फाइल तस्बिर
काठमाडौं– एसीसी पुरुष प्रमियर कप क्रिकेटको फाइनलअन्तर्गत नेपाललाई पाँचौं सफलता मिलेको छ। व्यक्तिगत पहिलो विकेट लिँदै सन्दीप लामिछानेले नेपाललाई पाँचौं सफलता दिलाएका हुन्।
१३औं ओभरको पहिलो बलमा सन्दीपले यूएईका रोहन मुस्तफालाई कुशल मल्लबाट क्याचआउट गराए। १५ बलको सामना गरेका रोहन मात्र २ रन बनाएर पेभेलियन फर्किए।
नेपाली बलरसामूह निरिह देखिएको यूएईले १० ओभर नखेल्दै महत्त्वपूर्ण ४ विकेट गुमाएको थियो।
नेपाललाई चौथो सफलता दिलाउने क्रममा ललित राजवंशीले रामीज शहजादलाई गुलसन झाबाट क्याचआउट गराएका थिए। ५ बल सामना गरेका शहजाद मात्र १ रन बनाएर पेभेलियन फर्किए।
ताजा अवस्थामा नेपालका लागि करण केसीले २ तथा सन्दीप लामिछाने, ललित राजवंशी र सोमपाल कामीले १–१ विकेट लिएका छन्।
सोमपाल कामीले तेस्रो ओभरको पहिलो बलमा महत्त्वपूर्ण विकेटका रुपमा यूएईका कप्तान मुहम्मद वसीमलाई ललित राजवंशीबाट क्याचआउट गराएका थिए।
यस्तै, करण केसीले टिमका लागि दोस्रो तथा व्यक्तिगत पहिलो विकेट लिने क्रममा चौथो ओभरको पाँचौं बलमा वृत्य अरविन्दलाई आसिफ शेखबाट क्याचआउट गराएका थिए। कप्तान वसीमपछि क्रिजमा आएका वृत्य अरविन्द ८ रनमा आउट भए।
करणले टिमका तेस्रो तथा व्यक्तिगत दोस्रो विकेट लिने क्रममा यूएईका आर्यन लाक्रालाई आरिफ शेखबाट क्याचआउट गराए। यूएईका ओपनर ब्याट्सम्यान लाक्रा २८ बलमा १३ रन बनाएर आठौं ओभरको पहिलो बलमा क्याचआउट भए।
त्रिवि क्रिकेट मैदानमा टस जितेर नेपालले यूएईविरुद्ध पहिले बलिङ गरिरहेको छ। एसीसी प्रमियर कपको उपाधि जित्ने टोली एसिया कपका लागि छनोट हुनेछ। एसिया कपमा भारत, पाकिस्तान जस्ता बलिया टोलीसँग प्रतिस्पर्धा गर्न पाइनेछ। एसिया कप आगामी सेप्टेम्बरमा हुनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1746780852.png)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
