काठमाडौं– कोरोना भाइरसको संक्रमणबाट शनिबार थप एक जनाको मृत्यु भएको छ। पछिल्लो २४ घण्टामा एक कोरोना संक्रमितको मृत्यु भएको स्वास्थ्य तथा जनसंख्या मन्त्रालयले जनाएको छ।
योसँगै हालसम्म नेपालमा कोरोनाबाट १२ हजार ३० जनाको मृत्यु भएको मन्त्रालयले जनाएको छ। यस्तै पछिल्लो २४ घण्टामा ५१ जनामा कोरोना संक्रमण पुष्टि भएको छ।
एक हजार २३८ वटा स्वाब नमुनाको परीक्षण गरिएकामा ५१ को नतिजा पोजिटिभ आएको हो। २०५ नमुनाको पीसीआर परीक्षण गर्दा २२ र एक हजार ३३ नमुनाको एन्टिजेन विधिबाट परीक्षण गर्दा २९ जनामा संक्रमण देखिएको हो।
पछिल्लो २४ घण्टामा देशभर ३५ जना निको भएका छन्। योसँगै नेपालमा कोरोनामुक्त हुनेको संख्या नौ लाख ९० हजार ५५० पुगेको छ। हाल देशभर २७ संक्रमित आइसोलेसनमा छन्।
अस्पतालमा रहेका कोरोना संक्रमितमध्ये आठ आईसीयू र एकजना भेन्टिलेटरमा उपचाररत छन्। अहिले देशभर कोरोनाका सक्रिय संक्रमितको संख्या ३६१ रहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
