काठमाडौं– नेपाल र इटालीबीचको व्यापारको छाता संगठन नेपाल–इटाली चेम्बर अफ कमर्स एन्ड इन्डस्ट्री (एनआईसीसीआई) ले यही वैशाख १३ गते अध्यक्ष सञ्जय अग्रवालको संयोजकत्वमा नयाँ कार्यसमितिको बैठक सम्पन्न गरेको छ। उक्त कार्यसमितिको बैठकले चेम्बरको उपाध्यक्षमा रूपक राजवंशीलाई चयन गरेको छ।
बैठकले चेम्बरको गतिविधिलाई प्रभावकारी बनाउन चार वटा समसामयिक समिति पनि गठन गरेको छ, उद्योग तथा लगानी प्रवर्द्धन समितिमा विनोद सगंतानी, पर्यटन प्रवद्र्धन समितिमा सारिक बोगटी, सामाजिक, शैक्षिक, सांस्कृतिक तथा खेलकुद समितिमा किशोर भट्टराई र व्यापार समितिमा सुभांश विक्रम शाह निर्वाचित भएका छन्।
नवनिर्वाचित समितिले नेपाल र इटालीबीचको विद्यमान व्यापार, पर्यटन, सूचना प्रविधि र व्यापारलाई थप विस्तार गर्दै दुई देशबीचको सम्बन्धलाई थप प्रगाढ बनाउने प्रतिबद्धता जनाएको छ।
एनआईसीसीआई इटालीसँग व्यापार सम्बन्ध राख्ने नेपाली व्यवसायी तथा उद्योगीहरूको द्विराष्ट्रिय संस्था भएकोले र नेपालसँग व्यापार गर्ने इटालियन व्यवसायीहरुको संगठन भएकोले एनआईसीसीआईको मुख्य उद्देश्य इटालियन संयुक्त लगानी नेपाल र इटालीबीचको आर्थिक सम्बन्धलाई प्रवर्द्धन गर्नु हो दुई देशहरू बीच विद्यमान द्विपक्षीय सम्बन्ध र सहयोग बलियो बनाउनु हो र यो व्यापार तथा वाणिज्यका दृष्टिले नेपाल र इटालीको पारस्परिक हितका लागि नेपालमा स्थापना भएको यो एक मात्र संघ हो।
नेपाल इटली चेम्बरमार्फत द्विपक्षीय व्यापार अभिवृद्धिसँगै नेपालमा इटालीबाट लगानी भित्र्याउने तथा नेपालमा इटालीका पर्यटकको संख्या बढाउन अभिप्राय रहिआएको छ। नेपाल र इटालीबीचको सम्बन्ध मित्रता, आपसी हित र सौहार्दतामा आधारित छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1782043740-1782045652.jpeg)
-1764146706.png)
