सन्दीपको उत्कृष्ट प्रदर्शनमा कतारविरुद्ध नेपालको सानदार जित

क्रिकेट

नेपाल लाइभ बिहीबार, वैशाख १४, २०८० १५:११

काठमाडौं- एसीसी प्रिमियर कप अन्तर्गत कतार विरुद्धको खेलमा नेपालले सानदार जित हासिल गरेको छ। सन्दीप लामिछानेको उत्कृष्ट प्रदर्शनमा नेपालले कतारलाई ६८ रनले हराएको हो।

टस हारेर पहिले ब्याटिङको निम्तो पाएको नेपालले निर्धारित ५० ओभरको खेलमा ४०.३ ओभरमा सबै विकेट गुमाउँदै १५७ रन मात्र बनाएको थियो।

नेपालका तर्फबाट सन्दीप लामिछानेले सर्वाधिक ४२ रन बनाए भने कप्तान रोहित पौडेलले २७ र आसिफ सेखले १९ रनको योगदान दिए। अन्य सबै ब्याट्सम्यानको प्रदर्शन कमजोर रहँदा नेपाल १५७ मा समेटिएको थियो।

१५८ रनको लक्ष्य पछ्याउँदै मैदानमा उत्रिएका कतारका खेलाडी नेपाली बलरको धारिलो बलिङका सामु टिक्न सकेनन्।एकपछि अर्को विकेट गुमाउँदै गए र २५.५ ओभरको समाप्तिमा सम्पूर्ण विकेट गुमाउँदै कतार ८९ रनमा समेटियो।

नेपालका तर्फबाट लामिछानेले ५, सोमपाल कामीले ३ र ललितसिंह राजवंशीले २ विकेट लिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

राष्ट्र बैंकले २० करोड मुद्दती निक्षेपमा लगानी गर्ने

कांग्रेस भारत र पाकिस्तानबिच चाँडै शान्ति कायम होस् भन्ने पक्षमा : प्रवक्ता महत

भारत सरकारको आदेशमा एक्सले ८ हजार बढी खाता ब्लक गर्ने