नेत्रहीन महिला क्रिकेटमा भारतमाथि नेपालको विशाल जित

क्रिकेट

नेपाल लाइभ मंगलबार, वैशाख १२, २०८० १६:४८

काठमाडौं- विनिता पुनको शतकमा नेत्रहीन महिला टी-२० क्रिकेट प्रतियोगितामा नेपालले भारतमाथि जित हासिल गरेको छ। पोखराको क्रिकेट मैदानमा भएको पहिलो खेलमा नेपाली नेत्रहीन महिला क्रिकेट टिमले विजय हासिल गरेको हो।

टस हारेर फिल्डिङ गरेको भारतीय नेत्रहीन महिला क्रिकेट टिमले निर्धारित २० ओभरको खेलमा ७ विकेटको क्षतिमा १७३ रनको योगफल तयार गरेका थियो। भारतका ५ खेलाडी रन आउट भएका थिए भने १ विकेट विनित पुन र १ विकेट निशा चौधरीले लिएका थिए।

जवाफी ब्याटिङमा उत्रिएको नेपालले २ विकेट गुमाउँदै ८ विकेटको विशाल जित हासिल गरेको छ। नेपालका लागि प्लेयर अफ द सिरिज विनिता पुनले विष्फोटक ब्याटिङ गर्दै ५७ बलमा नटआउट १११ रन बनाएकी थिइन्। उनी नेत्रहीन महिला क्रिकेटको इतिहासमा पहिलो शतक बनाउने खेलाडी बनेकी छन्। त्यसैगरी मनकेशरी चौधरीले ३२ रन, सरिता घिमिरेले नटआउट हुँदै २१ रन प्रहार गरेकी छिन्।

भारतीय नेत्रहीन महिला क्रिकेट टिमको तर्फबाट उपकप्तान गंगावा निलप्पाले सर्वधिक नटआउट ७२ रन, सिमु दासले २६, दीपिका टिसीले १६ वर्षा युले १०, सुस्मा पटेलले ९ रन बनाएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

आफै अमेरिका छाड्न चाहने अवैध आप्रवासीले अब बोनस पाउने

आजको मौसमः देशका केहि क्षेत्रमा हावाहुरी सहित वर्षाको सम्भावना

युक्रेनलाई सिधा वार्ताको लागि रुसी राष्ट्रपति पुटिनको आह्वान