काठमाडौं– तनहुँ निर्वाचन क्षेत्र नम्बर १ मा भइरहेको मतगणनामा राष्ट्रिय स्वतन्त्र पार्टीका उम्मेदवार डा स्वर्णीम वाग्लेले २५ हजार बढी मत कटाएका छन्।
निर्वाचन अधिकृतको कार्यालयका अनुसार अहिलेसम्म ३३ वडाको मतगणना सकिएको छ। ४८ हजार २६२ मत गणना हुँदा गठबन्धनका उम्मेदवार गोविन्द भट्टराईभन्दा वाग्ले करिब ११ हजार मतले अघि रहेका छन्।
वाग्लेले २५ हजार १४१ मत प्राप्त गर्दा भट्टराईले १४ हजार ४६२ मत प्राप्त गरेका छन्। यता तेस्रोमा रहेका नेकपा एमालेका सर्वेन्द्र खनालले भने ७ हजार ९१ मत प्राप्त गरेका छन्।
तनहुँ–१ अपडेट
३३ वडाको मतगणना सकिँदा (४८२६२)
रुख: गोविन्द भट्टराई– १४४६२
सूर्य: सर्वेन्द्र खनाल– ७०९१
घण्टी: डा स्वर्णिम वाग्ले– २५१४१
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
