काठमाडौं– बचतकर्ताहरुको डेढ करोड रुपैयाँभन्दा बढी रकम ‘ठगेर’ सहकारी सञ्चालकहरु फरार भएका छन्। काठमाडौं महानगरपालिका–१६ नयाँबजारमा रहेको मिनि बचत तथा ऋण सहकारी संस्था लिमिटेडका सञ्चालकले बचतकर्ताको डेढ करोड ‘ठगी’ गरेका पाइएको हो।
डेढ करोड ठगी गरेर ६ जना सञ्चालकहरु फरार भएका छन् भने १ जनालाई प्रहरीले पक्राउ गरेर मुद्दा दायर गरेको छ। उक्त सहकारीका उपाध्यक्ष तथा प्रबन्धक राजेन्द्र कँडेल पक्राउ परेका हुन्। उनलाई प्रहरीले धादिङबाट पक्राउ गरी ल्याएको हो।
बाँकी ६ जना भने फरार छन्। फरार हुनेहरुमा सहकारीका अध्यक्ष ३६ वर्षीय राममणि त्रिपाठी, सचिव २९ वर्षीय प्रमोद सिलवाल, कोषाध्यक्ष ३२ वर्षीय प्रविन सिलवाल, सदस्य २४ वर्षीया प्रमिला अधिकारी, सदस्य २६ वर्षीया सुलोचना सिलवाल र अर्का सदस्य ३४ वर्षीय प्रकाश पन्त रहेका छन्।
पक्राउ परेका उपाध्यक्ष कँडेलसहित फरार भएका जनालाई प्रतिवादी बनाउँदै प्रहरीले मुद्दा दर्ता गरेको छ। अनुसन्धान सकेर जिल्ला प्रहरी परिसर काठमाडौंले पठाएको प्रतिवेदनअनुसार जिल्ला सरकारी वकिल कार्यालयले काठमाडौं जिल्ला अदालतमा उनीहरुविरुद्ध ठगी मुद्दा दर्ता गरेको छ।
बचतकर्ताहरुको जम्मा गरेको रकम लिएर निकाल्न जाँदा सहकारी नै बन्द रहेको थाहा पाएपछि पीडितहरुले प्रहरीमा जाहेरी दिएका थिए। प्रहरीले अनुसन्धान गर्दा बचतकर्ताको रकम लिएर उनीहरु फरार भएका खुलेको थियो। त्यसपछि प्रहरीले उनीहरुविरुद्ध ठगीको कसुरमा मुद्दा चलाएको हो।
यो सहकारीले करिब ५०० बचतकर्ताबाट हालसम्म २० करोड रुपैयाँभन्दा बढीको करोबार समेत गरिरहेकेको छ। ऋणका रुपमा लगिएको लोनहरु उठ्न नस्कदा रकम तिर्न नसकिएको सहकारीको दाबी छ। बचतकर्ताहरुले दैनिकजसो आफूले जम्मा गरेको रकम फिर्ता गराउन भन्दै तोतफोड गर्न थालेपछि बाध्य भएर बन्द गराउनु परेको पक्राउ परेका कँडेलको बयान छ।
यो सहकारीले १२६ जनाबाट १ करोड ६० लाख ५२ हजार २५९ रुपैयाँ ठगी गरेको पाइएको छ। सोही अनुसारको बिगो मागदाबी गर्दै अदालतमा मुद्दा दर्ता गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821303.jpg)
-1786602170.png)
