काठमाडौं– नेपालमा थप ८१ जनामा कोरोना भाइरसको संक्रमण देखिएको छ। आरटी–पीसीआर र एन्टिजेनबाट गरिएको परीक्षणका क्रममा पछिल्लो २४ घण्टामा ८१ जनामा संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ।
पछिल्लो २४ घण्टामा ९३६ जनाको एन्टिजेन र ३७० जनाको आरटी–पीसीआर विधिबाट नमूना परीक्षण गरिएको मन्त्रालयले जानकारी दिएको छ। जसमध्ये एन्टिजेन परीक्षणबाट ४० र पीसीआर परीक्षणबाट ४१ जनामा संक्रमण पुष्टि भएको हो।
पछिल्लो २४ घण्टामा देशभरबाट ५४ जना कोरोना भाइरसको संक्रमणबाट निको भएका मन्त्रालयले जानकारी दिएको छ। अहिले देशभर ३७० जना सक्रिय संक्रमित रहेका मन्त्रालयले जानकारी दिएको छ।
मन्त्रालयका अनुसार हाल देभशरका विभिन्न संस्थागत आइसोलेसनमा २२ जना, आईसीयूमा ३ जना र भेन्टिलेटरमा १ जना संक्रमित रहेका छन्।
हालसम्म ११ लाख ५५ हजार ९०७ जनामा संक्रमण पुष्टि भएको मन्त्रालयले जानकारी दिएको छ। हालसम्म संक्रमण पुष्टि भएकामध्ये ९ लाख ९० हजार २०१ जना निको भएका छन्। कोरोना संक्रमणबाट हालसम्म १२ हजार २७ जनाको मृत्यु भएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
