चेन्नईले हैदरावादलाई ७ विकेटले हरायो

क्रिकेट

नेपाल लाइभ शनिबार, वैशाख ९, २०८० ०७:५०

काठमाडौं- इन्डियन प्रिमियर लिग (आईपीएल) क्रिकेट अन्तर्गत शुक्रबार रातिको खेलमा रवीन्द्र जडेजाको कप्तानीमा रहेको चेन्नई सुपर किंग्सले सनराइजर्स हैदरावादलाई ७ विकेटले पराजित गरेको छ। चेन्नईको जितमा ब्याट्सम्यान डेवोन कोवेको ७७ रनको योगदान रह्यो।

टस हारेर पहिले ब्याटिङको निम्तो पाएको हैदरावादले निर्धारित २० ओभरको खेलमा ७ विकेट गुमाएर १३४ रन मात्र बनाएको थियो। जवाफमा चेन्नईले एक ओभर २ बल बाँकी रहँदै लक्ष्य भेट्टायो। चेन्नईका लागि न्युजिल्यान्डका कोवेले ५७ बलको सामना गर्दै ७७ रन बनाए। उनले १२ चौका प्रहार गरे।

यस्तै ऋतुराज गायकवाडले ३० बलमा ३५ रन बनाए। कोवे र गायकवाडले पहिलो विकेटका लागि ८७ रनको साझेदारी गरेका थिए। यी दुई खेलाडीले पावरप्लेमा ५० रन जोडेका थिए।

यो जितसँगै चेन्नई ६ म्याचमा ८ अंक जोड्दै तेस्रो स्थानमा छ। राजस्थान रोयल्स र लखनउ सुपर जाइन्ट्सको पनि ६ म्याचमा ८-८ अंक नै छ तर रेनरेटका आधारमा यी दुई टिम पहिलो र दोस्रो स्थानमा छन्। राजस्थान भने ६ खेलमा चार अंकका साथ नवौं स्थानमा छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

‘टिपर’ दुर्घटनामा चालकको मृत्यु

संसद्का दुवै सदनको बैठक बस्दै, सांसदले उठाएका पश्नको प्रधानमन्त्री ओलीले जवाफ दिने

आफै अमेरिका छाड्न चाहने अवैध आप्रवासीले अब बोनस पाउने