तस्बिर: प्रदीपराज वन्त
काठमाडौं– मन्त्रिमण्डलले पूर्णता नपाउँदै सत्ता गठबन्धनमा खटपट देखिएको छ। निकै समय लगाएर आंशिक रुपमा आज मन्त्रीमण्डल पुनर्गठन हुन लागे पनि सत्ता साझेदार दलभित्र खटपट देखिएको छ।
सत्ता साझेदार दलमध्ये राष्ट्रिय जनमत पार्टी सरकारबाट बाहिरिएको छ। अहिलेसम्म सरकारमा सहभागी भएको जसपाले सरकारबाट बाहिरिने निर्णय गरेको हो।
उद्योग वा कृषिमध्ये एक मन्त्रालयको दाबी गर्दै आएको जनमत पार्टीले ती मन्त्रालय नपाएपछि सरकारबाट बाहिरिने निर्णय गरेको हो। हाल जनमतबाट अब्दुल खान खानेपानी मन्त्रीको रुपमा सहभागी थिए।
खानेपानी मन्त्री खानले उद्योग वा कृषि मन्त्रालय जनमत भागमा नआएपछि प्रधानमन्त्री निवास बालुवाटार पुगेर प्रधानमन्त्री पुष्पकमल दाहाल प्रचण्डलाई राजीनामा बुझाएका छन्। उनले पार्टी अध्यक्ष सिके राउतको निर्देशन अनुसार नै राजीनामा दिएका छन्।
जनमत पार्टीले सुरुदेखि नै खानेपानी मन्त्रालयप्रति असन्तुष्टि जनाउँदै आएका थयो। तर मन्त्रिपरिषद् विस्तारको क्रममासमेत उद्योग मन्त्रालय नपाएपछि जनमत सरकारबाट बाहिरिएको हो। सरकारलाई समर्थन कायम राखिरहेको राष्ट्रिय स्वतन्त्र पार्टी पनि मन्त्रीमण्डलमा सहभागी छैन।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791984972.png)
-1786602170.png)
