काठमाडौं– जनता समाजवादी पार्टीका सांसद एव नेता राजेन्द्र श्रेष्ठले सत्ता गठबन्धनकाबीचमा सरकार विस्तारबारे सहमति भएको दाबी गरेका छन्।
उनले मन्त्रिपरिषद् विस्तारमा सैद्धान्तिक रुपमा सबै सहमति भएको र मन्त्रालयको समीकरण मिलाएर भोलि नै शपथ गराउने बताए।
विकासे मन्त्रालय, पावर भएको मन्त्रालय र सामान्य मन्त्रालयको मोडल प्रधानमन्त्रीलाई बनाउने जिम्मेवारी दिइएको र शपथअघि पेस गर्ने उनले बताए।
‘मापदण्ड के हुने, कसलाई कति मन्त्रालय दिनेमा सहमति भयो। भोलिसम्म विस्तार गरेर शपथ गर्दै पूर्णता दिने सहमति भएको छ,’ उनले भने, ‘दलहरुले गर्ने आन्तरिक काम बाँकी छ। सबै दलले आफ्नो भागमा परेको मन्त्रीको नाम दिनुहुने छ।’
फेरि एकपटक मुख्य दलका शीर्ष नेताहरुसँग छफल गरेपछि शपथका लागि प्रक्रिया अघि बढ्ने उनको भनाइ छ। ’आज सबै बाधा अड्काउ फुकिसकेको छ,’ उनले भने, ‘विकास र पावर भएका मन्त्रालयहरुमा बार्गेनिङ चलिरहेको छ।’
त्यस्तै सामाजिक र साधारण मन्त्रालयको सन्तुलन कसरी मिलाउने भन्नेमा छलफल भइरहेको उनले बताए। उनले १० दलमध्ये जनमोर्चा बाहेक ९ दल सरकारमा सहभागी हुने जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1793102318.png)
-1786602170.png)
