काठमाडौं– मधेस प्रदेश सरकारका मुख्यमन्त्री सरोजकुमार यादवले मिटरब्याज पीडितको आन्दोलनमा आफ्नो समर्थन रहेको भन्दै समस्या समाधानका लागि संयुक्त रुपमा लड्न आह्वान गरेका छन्।
बुधबार एक विज्ञप्ति जारी गर्दै यादवले मिटरब्याज पीडितको हरेक पाइलामा समर्थन रहेको उल्लेख गरेका छन्। उनले यो समस्या समाधानका लागि संयुक्तरुपमा लड्नुपर्ने टिप्पणी गरेका छन्।
‘गरिब झन् गरिब हुने, भएको सम्पत्तिसमेत स्वाहा हुने राष्ट्रिय समृद्धिको बाधक यो समस्याविरुद्ध संयुक्तरुपमा लड्न मधेस प्रदेश सरकारको तर्फबाट सारा विद्वत वर्ग, चिन्तक, योजना विद्, विज्ञहरुलाई आह्वान गर्द्छु,’ उनले विज्ञप्तिमा भनिएको छ।
उनले मिटरब्याज पीडितको समस्या मधेश सरकारको पनि सरोकार र दायित्व भएको भन्दै आन्दोलनमा साथ र समर्थन भएको बताए।
उनले मिटरब्याज मधेश प्रदेशको मात्र समस्या नभएको बताउँदै गरिब झन् गरिब हुने भएको यो समस्याविरुद्ध संयुक्त रुपमा लड्न अपिल गरेका हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1772768136.png)
-1764146706.png)
