काठमाडौं– हरेक वर्षजस्तै यसवर्ष पनि शनिबार ‘अर्थ आवर डे’ मनाइएको छ। वर्ल्ड वाइड फण्ड फर नेचरका तर्फबाट हरेक वर्ष मार्च महिनाको अन्तिम शनिबार ‘अर्थ आवर डे’ आयोजना गरिन्छ।
विश्वभरका अधिकांश देशमा यो दिवस मनाइएको छ। भारतमा पनि शनिबार बेलुका स्थानीय समय अनुसार राति साढे ८ बजेदेखि साढे ९ सम्म एक घण्टा कैयौं सहरमा बत्ति बन्द गरिएको छ। तर नेपालमा भने यो दिवस मनाइएको छैन।
‘अर्थ आवर डे’मा हरेक वर्ष विश्वभरका करोडौं मानिसले स्वस्फूर्त रुपमा आफ्नो घरको बत्ति एक घण्टाका लागि बन्द गर्ने गर्छन्। यसको उदेश्य उर्जाको बचत गर्न मानिसलाई प्रेरित गर्नु हो। साथै जलवायु परिवर्तनतर्फ मानिसको ध्यान आकर्षिक गर्नु पनि रहेको छ।
प्रकृति विनासलाई रोक्न र मानव जातिको भविष्यलाई उन्नत बनाउनका लागि पनि यो दिवस मनाइन्छ। अस्ट्रेलियाको सिड्नी सहरमा ३१ मार्च २००७ मा पहिलोपटक ‘अर्थ आवर डे’को आयोजना गरिएको थियो।
त्यसपछि भने विश्वभरका मानिसले मार्च महिनाको अन्तिम शनिबार एक घण्टा बत्ति बन्द गरेर यो दिवस मनाउँदै आएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1786184812.png)
