काठमाडौं– सशस्त्र प्रहरी बलले अमेरिकन पेस्तोलसहित दुई जनालाई पक्राउ गरेको छ। पक्राउ पर्नेमा सप्तरीको छिन्नमस्ता गाउँपालिका–२ मौवाका २८ वर्षीय सोनु राय र राजविराज नगरपालिका–१ का २८ वर्षीय रोशन यादवलाई छन्।
उनीहरुलाई बोर्डर आउट पोष्ट (बीओपी) तिलाठी सप्तरीबाट इन्सपेक्टरको कमाण्डमा खटिएको टोलीले आइतबार दिउँसो पक्राउ गरेको हो।
भारतबाट नेपालतर्फ पैदल आउँदै गरेका बेला जाँच गर्दा उनीहरुलाई पक्राउ परेका हुन्। प्लाष्टिकभित्र पोको पारेर कम्मरमा लुकाएर ल्याएको अवस्थामा मेड इन युएस लेखेको पेस्तोल बरामद भएको हो।
उनीसँगै आएका रोशन यादवलाई पनि पक्राउ गरेर प्रहरीमा बुझाइएको सशस्त्र प्रहरी बलका प्रवक्ता तथा एसएसपी पुरुषोत्तम थापाले जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
