काठमाडौं- अमेरिकाका पूर्वराष्ट्रपति डोनाल्ड ट्रम्पले आफू मंगलबार गिरफ्तार हुनसक्ने आशंका गरेका छन्। समर्थकलाई विरोध प्रदर्शन गर्न सुरु गर्नसमेत अपिल गरेका छन्।
कानुनी एजेन्सीसँग यससँग सम्बन्धित कुनै कुरा नभए पनि उनले मिडिया रिपोर्टलाई आधार बनाएर यस्तो आशंका गरेका हुन्। मिडिया रिपोर्टस्का अनुसार आगामी साता उनीविरुद्ध मुद्दा चल्न सक्छ।
त्यस्तो भयो भने उनी आपराधिक मुद्दा व्यहोर्ने पहिलो पूर्व अमेरिकी राष्ट्रपति हुनेछन्। यो मामला सन् २०१६ को हो। त्यो समय ट्रम्पका वकिलले राष्ट्रपति चुनावभन्दा अघि पोर्न स्टार स्टर्मी डेनियल्सलाई पैसा दिएका थिए। त्यो पैसा ट्रम्पको नामबाट दिइएको थियो।
डेनियल्सको दाबी अनुसार सन् २००६ मा क्यालिफोर्निया र नेवादाको बीचमा रहेको लेक टोहोय होटेलमा उनीहरुको भेट भएको थियो। उक्त समय ट्रम्प एउटा व्यवसायी थिए।
सन् २०११ मा डेनियल्सले एउटा इनटच पत्रिकालाई अन्तरवार्ता दिएकी थिइन्। जहाँ उनले दाबी गरेकी थिइन् कि ट्रम्पले उनलाई डिनरका लागि निमन्त्रणा दिएका थिए, जसका लगि उनी ट्रम्पको होटेलमा उनलाई भेट्न पुगेकी थिइन्।
उनले भनेकी छिन्, ‘ट्रम्प काउचमा खुट्टा पसारेर बसेका थिए। सायद उनी टिभी हेरिरहेका थिए। उनले पाइजामा मात्रै लगाएका थिए।’
डेनियलले ट्रम्पले आफूसँग यौन सम्बन्ध राखेको दाबी गरेकी छिन्। जबकी ट्रम्पका निजी वकिलले यसलाई इन्कार गरेका छन्। यही विषयलाई लुकाउन ट्रम्पले वकिलमार्फत् उक्त रकम दिएको विषयमा अहिले अनुसन्धान जारी छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1790399464.jpeg)
-1790307658.jpeg)
-1786602170.png)
