काठमाडौं– चर्चित फिल्म ‘पशुपतिप्रसाद’को सिक्वेल पशुपतिप्रसाद–२ ‘भष्मे डन’को शुभमूहूर्त सम्पन्न भएको छ। बिहान पशुपति मन्दिरमा फिल्मको शुभमूहूर्त सम्पन्न भएको हो।
फिल्ममा विपिन कार्की, सौगात मल्ल, स्वस्तिमा खड्का, प्रकाश घिमिरे, रविन्द्र सिंह बानियाँ, मिस्श्री थापा, सजन थापा मगरको भूमिका थियो।
फिल्मको घोषणामा नपरेकी वर्षा शिवाकोटीको पुन: प्रवेश भएको छ। फिल्मको छायांकन १० चैत्रबाट हुनेछ। फिल्मलाई दीपेन्द्र के खनालले निर्देशन गर्नेछन्। फिल्मको लेखक तथा निर्माता खगेन्द्र स्वयम् हुन्।
निरज कँडेलको डिओपी, कृष्ण थापाको छायांकन, दीर्घ खड्काको सम्पादन, कृष्ण भारद्वाज तथा सुभाष भुषालको संगीत रहने सिनेमा टुकी आर्टस्को ब्यानरमा निर्माण हुनेछ।
आगामी बडा दशैंको फूलपातीबाट सिनेमा प्रदर्शनमा आउने घोषणा गरिएको छ। ७ वर्षको अवधिमा भष्मे डनको जीवनमा आएका विभिन्न उतारचढावलाई सिनेमामा प्रस्तुत गरिने बताइएको छ।
सिनेमाको छायांकन सेड्युल ३० दिनको राखिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1790399464.jpeg)
-1790307658.jpeg)
-1786602170.png)
