तस्बिरहरू : हाम्रो फोटोग्राफी नेपालको फेसबुक पेज।
काठमाडौं- खेलकुद पत्रकार मञ्च (एनएसजेएफ)को आयोजनामा हुने ‘एनएसजेएफ पल्सर स्पोर्ट्स अवार्ड अन्तर्गत पुरुषतर्फ फुटबलका अञ्जन विष्ट र महिलातर्फ राष्ट्रिय खेल भलिबलकी अरुणा शाही उत्कृष्ट वर्ष खेलाडी बनेकी छिन्।
उत्कृष्ट युवा खेलाडी मनिष डाँगी, प्रशिक्षक अब्दुल्लाह अलमुताइरी र पिपुल्स च्वाइस अवार्ड उषा भण्डारीले पाएका छन्।
मंगलबार भएको अवार्ड कार्यक्रममा मनिषले फुटबलकी प्रिती राई, बक्सिङका छिरिङ वाङ्दी शेर्पा, भलिबलकी उषा भण्डारी र ब्याडमिन्टनकी रशिला महर्जनलाई पछि पार्दै अवार्ड जित्न सफल भएका हुन्।
नेपाली पुरुष राष्ट्रिय फुटबल टोलीका पूर्वप्रशिक्षक अब्दुल्लाह अलमुताइरी उत्कृष्ट प्रशिक्षक घोषित भए। मनोनयनमा उनीसँगै भलिबलका जगदिश प्रसाद भट्ट, बक्सिङका दीपक महर्जन, पारा तेक्वान्दोका कविराज नेगी लामा र क्रिकेटका देव ह्वाटमोर थिए।
‘बजाज पल्सर स्पोर्ट्स अवार्ड-२०७८’ वर्षको उत्कृष्ट प्रशिक्षक घोषित भएका राष्ट्रिय फुटबल टोलीका पूर्वप्रशिक्षक अब्दुल्लाह अलमुताइरी।
पिपुल्स च्वाइस अवार्ड नेपाली महिला राष्ट्रिय भलिबल टोलीकी सदस्य उषा भण्डारीले जितेकी छिन्। उनले फुटबलका अञ्जन विष्ट, क्रिकेटका आसिफ शेख, लन टेनिसकी अभिलाष विष्ट र पौडीकी डुवाना लामालाई पछि पार्दै अवार्ड जितेकी हुन्। उनले भोटमार्फत् उक्त अवार्ड जितेकी हुन्।
लाइफटाइम एचिभमेन्ट अवार्ड पाएका ओलम्पियन रघुराज वन्त।
उषाले ३८.०३२२ मत प्राप्त गर्दै अवार्ड जितेकी हुन। उनीसँग फुटबलका अञ्जन विष्टले ३१.१४०३ मतसहित प्रतिस्पर्धा गरे। ओलम्पियन पारा खेलाडी पलेशा गोबर्द्धन श्रेष्ठलाई पारा एथलिट अवार्ड प्रदान गरिएको छ।
यस वर्ष लाइफटाइ अचिभमेन्ट अवार्ड रघुराज वन्तले पाएका छन्। यसैगरी स्पेशल अवार्ड दानबहादुर तामाङ र मायादेवी मोक्तानलाई प्रदान गरिएको छ। ब्याडमिन्टनका नेपाल च्याम्पियन रत्नजित तामाङ, सरादेवी तामाङ र नङशल देवी तामाङका बुबाआमा दानबहादुर र मायादेवीलाई स्पेशल अवार्ड प्रदान गरिएको हो।
पिपुल्स च्वाइस विधाको अवार्ड प्राप्त गरेकी भलिबलकी उषा भण्डारी।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821306.jpg)
-1786602170.png)
-1789383080.png)
