काठमाडौं- राष्ट्रिय स्वतन्त्र पार्टी (रास्वपा)ले सरकार छाडेपछि विश्वासको मत दिएका अन्य दुई पार्टीलाई सरकारमा ल्याउने प्रयासमा प्रधानमन्त्री पुष्पकमल दाहाल प्रचण्ड लागेका छन्। प्रधानमन्त्री प्रचण्ड निकट एक नेताका अनुसार जनता समाजवादी पार्टी (जसपा) र एकीकृत समाजवादी पार्टीसँग छलफल थालिएको छ।
पहिलो प्रयास भने रास्वपालाई नै सरकारमा फेरि सहभागी गराउने रहेको बताइएको छ। आइतबार प्रधानमन्त्री प्रचण्डले सभापति रवि लामिछानेसँग भेटेर सरकारमा फिर्ता ल्याउने कोशिस गर्ने बताएका थिए।
‘मेरो कोसिस त थियो। राष्ट्रिय सहमति नै गरौं भनिरहेको छु। तर हाम्रो सत्ता साझेदारबीचको एकतालाई बचाउनुपर्छ भन्ने नै हो मेरो। अदालतको निर्णयपछि पक्कै पनि उहाँहरुलाई अलिक असहज त भएकै थियो। उहाँसँग फेरि भेटेर कुरा गर्छौं,’ प्रधानमन्त्री प्रचण्डको प्रतिक्रिया थियो।
गृह मन्त्रालय फिर्ता हुन सक्ने आसामा रास्वपाले प्रधानमन्त्री प्रचण्डलाई दुई दिन समय दिएको थियो। तर त्यसको सट्टा प्रचण्डले भौतिक पूर्वाधार तथा यातायात मन्त्रालय प्रस्ताव गरेका थिए। प्रचण्डको उक्त प्रस्तावबाट रास्वपा सन्तुष्ट हुन सकेन।
रास्वपा सरकारबाट बाहिरिने संकेत पहिले नै पाइसकेका प्रचण्डले अन्य दुई दललाई सरकारमा ल्याउने प्रयास अघि बढाएका हुन्। जसपा सरकारमा सहभागी हुन तयार रहे पनि मन्त्रालयको भागबन्डामा चित्त नबुझ्दा बाहिर बसेको छ। रास्वपाको बहिर्गमनसँगै जसपाको मागअनुसार मन्त्रालय दिन सक्ने सम्भावना बढेको छ।
यसैगरी नेकपाकालदेखि आम निर्वाचनसम्म साथ दिएको अर्को शक्ति एकीकृत समाजवादीलाई समेत सरकारमा सहभागी गराउने अभ्यासमा प्रचण्ड छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
1679919583.jpg)
![भ्रष्टाचारमा छुट र अपराधमा उदारता हुँदैन : गृहमन्त्री श्रेष्ठ [भिडियाे]](https://nepallive.net/uploads/posts/500X300/narankaji thumbs1680264867.jpg)
![सबैले विश्वास गर्ने परिस्थिति निर्माण गरेर सरकारलाई सफल बनाउँछौं : मन्त्री खड्का [भिडियाे]](https://nepallive.net/uploads/posts/500X300/purna bahadur khadka thumbs1680264918.jpg)
![निजी क्षेत्रले दिएका सुझाव सरकारले समयमा कार्यान्वयन नगर्दा अर्थतन्त्रमा विकराल अवस्था आयो: चन्द्र ढकाल [भिडियाे]](https://nepallive.net/uploads/posts/500X300/chandra dhakal thumbs 1680258378.jpg)
