काठमाडौं– नेकपा एकीकृत समाजवादीको केन्द्रीय कमिटीको पाँचौँ बैठक सुरु भएको छ। शनिबार सुरु भएको बैठकमा अध्यक्ष नेपालले आफ्नो राजनीतिक प्रतिवेदन पेश गरेका छन्।
प्रतिवेदनमा उनले वर्तमान अन्तर्राष्ट्रिय परिस्थिति, राष्ट्रिय राजनीतिक परिस्थिति, राजनीतिक शक्तिहरु, विगतका कार्ययोजना कार्यान्वयनको समीक्षा, सरकारमा हाम्रो सहभागिताको समीक्षा, हाम्रो संगठनात्मक अवस्था, स्थानीय तह निर्वाचन समीक्षाको निष्कर्ष, आम निर्वाचन २०७९ को समीक्षा र आगामी कार्ययोजना जस्ता शीर्षकमा व्याख्या र विश्लेषण प्रस्तुत गरिएको छ।
माधव नेपालले एमालेको नेतृत्व तीव्र गतिमा दक्षिणपन्थी हुँदै गएको बताएका छन्। माओवादी केन्द्र ढुलमुले र राप्रपा लम्पट चिन्तनको प्रतिनिधि भएको उनको भनाइ छ।
अध्यक्ष नेपालले गत पुस १० गते तत्कालीन सत्ता गठबन्धन भत्किनुमा चार कारण प्रस्तुत गरेका छन्। उनले कांग्रेस, केपी शर्मा ओली र माओवादी केन्द्रलाई आधार मानेर कारण प्रस्तुत गरेका हुन्।
अध्यक्ष नेपालले प्रस्ततु गरेका चार कारण यसप्रकार छन्-
१. निर्वाचनबाट ठूलो दल बनेपछि नेपाली कांग्रेसमा शक्तिको घमण्ड बढ्नु।
२. नेपाली कांग्रेससँग सही सूचना नहुनु र उसले गलत सूचनामा विश्वास गर्नु।
३. केपी ओलीले उपर्युक्त वाम-लोकतान्त्रिक गठबन्धनलाई जसरी पनि तोडिछाड्ने उद्देश्य राखेर चालबाजीपूर्ण कदम चाल्नु।
४. माओवादी केन्द्रको सत्ताकेन्द्रित सोच र आफूलाई लाभ हुने भएपछि विचार नीति, सिद्धान्त, दृष्टिकोण र सहयात्री साथीहरु सबै त्यागेर हिँड्ने प्रवृत्ति।
यस्तो छ अध्यक्ष नेपालको राजनीतिक प्रतिवेदनः
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1746068245.webp)
-1786602170.png)
-1786513116.png)
