काठमाडौं– मंगलबार गएको भूकम्पका कारण बझाङको जयपृथ्वी नगरपालिका–११ मा ५२ वर्षीय एक जना घाइते भएका छन्। जिल्ला अस्पताल बझाङको भवन र वडा प्रहरी कार्यालय चैनपुरको भवन चर्केको छ।
यस्तै, गोलाई र गडखेतमा झण्डै ३० भन्दा बढी घर चर्केका, स्लेटले छाएका घरका केही स्लेटहरु खसेका छन्। कृषि ज्ञान केन्द्र बझाङ, सन्तोष प्लाजाको छत, विद्यालयको कक्षाकोठामा क्षति पुगेको जिल्ला प्रशासन कार्यालयले जनाएको छ।
मस्टा गाउँपालिकामा रहेको बर्थिङ सेन्टर भत्किएको छ भने केही घरहरू चर्किएका छन्।
यस्तै, तलकोट गाउँपालिकामा ५ भन्दा धेरै घरहरू चर्किएका, सुर्मा गाउँपालिकामा १ घर भत्केको छ भने थलारा गाउँपालिकाका पनि केही घरहरू चर्किएका छन्।
खप्तड छान्नाका केही घर चर्किएको जिल्ला प्रशासन कार्यालयले जनाएको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।