काठमाडौं– जनमत पार्टीका अध्यक्ष सिके राउतले संसदमा दलको आकारका आधारमा बोल्न दिने कुरा अवैज्ञानिक भएको गुनासो गर्दै यसलाई सच्चाउन माग गरेका छन्।
मंगलबारको प्रतिनिधि सभाको बैठकमा बोल्दै उनले एक सिट भएको दललाई एक मिनेटमात्र दिने हो भने त्यो अन्याय हुने बताए।
संसद् ठूला दलहरुको मात्र नभई सबैको साझा भएकाले त्यहीअनुसार समय दिनेगरी प्रतिनिधि सभाको नियमावलीमा राखिनुपर्ने माग गरे।
कुनै दल विशेषको सांसदलाई तुरुन्तै निस्कासन गर्ने तर कसैको नगर्नेजस्ता कार्य सभामुखबाट भएको भन्दै विगतमा विवाद आएको दृष्टान्त दिँदै उनले अबकोे कार्यकालमा त्यस्तो नहुने आशा आफूले गरेको बताए।
उनले संसदमा समय निर्धारण गर्ने विषय वैज्ञानिक नभएको जिकिरसमेत गरे। उनले एक सिट हुने सांसद वा कम हुनेलाई कम समय दिने कुरा अवैज्ञानिक भएकाले सच्चाउनुपर्ने माग गरे।
उनले संसदमा आफ्ना कार्यकर्ताको नाम उच्चारण गर्न रोक लगाएको विषय पनि सम्झिए। उनले पोशाक र प्रतिकजस्ता विषय स्वविवेकमा छोडिदिनुपर्ने माग गरे ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821303.jpg)
-1786602170.png)
-1791090469.jpeg)
