काठमाडौं– नेपाल टी–२० लिगमा जनकपुर रोयल्सले पोखरा एभेन्जर्समाथि ५ विकेटको जित निकालेको छ।
त्रिवि क्रिकेट मैदानमा पोखराले दिएको १३९ रनको लक्ष्य जनकपुरले १७ दशमलव ४ ओभरमा ५ विकेटको क्षतिमा भेट्टायो।
जनकपुरका लागि सन्दीप जोराले ४० रनको अविजित इनिङ खेले। सागर पुन ३८, चादविक वालटन १९ रन बनाए। अन्यले भने दोहोरो अंकसमेत जोड्न सकेनन्।
पोखराको बलिङमा जाहिर खानले ३ विकेट लिए भने कप्तान सरद भेषावकर र मौसम ढकालले समान १–१ विकेट हात पारे।
यसअघि, टस हारेर ब्याटिङमा उत्रिएको पोखराले १९ ओभर ४ बल खेल्दै १३८ रन बनाएर अल आउट भएको थियो।
पोखराका लागि ओनर आसिफ शेखले ५०, सिद्धान्त लोहनीले २९, प्रतिश जिसीले २८, अमिर हम्जाले १८ रन बनाए। अन्य ब्याटरले भने दोहोरो अंकको रनसमेत जोड्न सकेनन्।
जनकपुरको बलिङतर्फ केस्रिक विलियम्सले ३ विकेट लिए। पवन सर्राफ, स्राफुदिन असरर्फ र ललित राजवंशीले समान २ विकेट लिए भने सोमपाल कामीले १ विकेट हात पारे।
पोखरा पहिलो खेलमा काठमाडौं नाइट्सँग २६ रनले पराजित भएको थियो। जनकपुरले अर्को खेलमा बुधबार विराटनगर सुपर किङ्ससँग खेल्देछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
