मंसिर ४ गतेको निर्वाचनका लागि जारी आचारसंहिता सोमबारदेखि लागू नरहने निर्वाचन आयोगको निर्णय

राजनीति

नेपाल लाइभ सोमबार, मंसिर २६, २०७९ १३:४४

काठमाडौं– मंसिर ४ गते भएको प्रदेश तथा प्रतिनिधि सभा निर्वाचनका लागि लागू भएको निर्वाचन आचारसंहिता आज (सोमबार)देखि लागू नरहने भएको छ। असोज १२ गतेदेखि देशभर लागू भएको निर्वाचन आचारसंहिता सोमबारदेखि लागू नहरने निर्वाचन आयोगले जनाएको छ।

मन्त्रिपरिषद्‌को भदौ १९ गतेको निर्णयानुसार प्रतिनिधि सभा सदस्य निर्वाचन ऐन, २०७४ को दफा ६ को उपदफा (१) तथा प्रदेश सभा सदस्य निर्वाचन ऐन, २०७४ को दफा ६ को उपदफा (१) बमोजिम निर्वाचन आचारसंहिता लागू भएको थियो।

आचारसंहिता लागू नरहने निर्णयको जानकारी प्रधानमन्त्री तथा मन्त्रिपरिषद्को कार्यालय, सम्पूर्ण मन्त्रालयहरू तथा संवैधानिक निकायहरूमा गराइएको आयोगले जनाएको छ।

आयोगले प्रदेश तथा प्रतिनिधि सभा निर्वाचन २०७९ को अन्तिम नतिजा मंसिर २९ गते राष्ट्रपति विद्यादेवी भण्डारीलाई बुझाउने तयारी गरेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

विभाजनको शृङ्खला रोकेर एकताको प्रक्रिया सुरु भएको छ : अध्यक्ष दाहाल

एमाले हात्तिको बथान हो, नाङ्लो ठटाउँदैमा तर्सिने अवस्था छैन : ओली

एमाले ‘कागले कान लग्यो भनेर कागको पछि कुद्ने’ पार्टी होइन : प्रधानमन्त्री ओली