काठमाडौं– कतारमा जारी विश्वकप फुटबलमा अर्जेन्टिनाका कप्तान लियोनल मेसीले उच्च प्रदर्शन गरिरहेका छन्।
उनकै निर्णायक प्रदर्शनका कारण अर्जेन्टिना क्वार्टफाइनलमा पुगिसकेको छ। मेसी र उनका साथीहरू आगामी ९ डिसेम्बरमा हुने नेदरल्याण्ड्सविरुद्धको सेमिफाइनल प्रवेश गर्ने खेलको तयारीमा छन्।
मेसीले पोल्याण्डविरुद्ध पेनाल्टीमा गोल गर्न सकेनन्। यसले गर्दा कतिपयले उनको आलोनासमेत गरे। तर, अन्तिम १६ सो खेलमा अष्ट्रेलियाविरुद्ध पुनः उत्कृष्ट प्रदर्शन गरेपछि उनको प्रशंसा गर्ने बढेका छन्।
मेसी बार्सिलोनाका पूर्वकप्तान हुन्। यसैबीच, मेसीको पूर्वक्लब बार्सिलोनाको कट्टर प्रतिद्वन्द्वी क्लब रियल म्याड्रिडका मुख्य प्रशिक्षक कार्लो एन्सेलोटीले समेत मेसीको खुलेर प्रशंसा गरेका छन्। सामाजिक सञ्जाल इन्टाग्राममार्फत उनले मेसीसँगै इन्जो फर्नान्डेज र जुलियन अल्भारेजले विश्वकपमा माथिल्लो स्तरको प्रदर्शन गरिरहेको भन्दै प्रशंसा गरेका छन्।
‘साउदी अरेबियासँगको खराब नतिजापछि मेसीसँगै फर्नान्डेज र अल्भारेजले माथिल्लो स्तरको प्रशंसा गरिहेका छन्’, उनले भनेका छन्।
एन्सेलाटीले अर्जेन्टिना र नेदरल्याण्ड्सबीचको खेल रोमाञ्चक हुने भन्दै त्यसको प्रतिक्षा गरिरहेको बताएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749277953.jpg)
-1764146706.png)
