दोलखा प्रदेश सभा २ मा एमालेका केसी निर्वाचित, पराजित लामा भन्छन्– ‘सूर्यमुखी कांग्रेस’ले हराए

राजनीति

नेपाल लाइभ आइतबार, मंसिर १८, २०७९ ११:०५

काठमाडौं– दोलखाको प्रदेश सभा २ मा नेकपा एमालेका उम्मेदवार भरतबहादुर केसी निर्वाचित भएका छन्। नेपाली कांग्रेसका जिल्ला सभापति बर्मा लामालाई १ हजार ८०९ मतको अन्तरले हराउँदै एमालेका केसी प्रदेश सभा सदस्य निर्वाचित भएका हुन्।

केसीले १९ हजार ४१४ मत ल्याएका छन्। कांग्रेसका लामाले १७ हजार ५९५ मत ल्याए। कांग्रेस जिल्ला सभापति समेत रहेका लामाले ‘सूर्यमुखी कांग्रेस’का कारण पराजय बेहोर्नु परेको बताएका छन्।

अन्तर्घात भएको उल्लेख गर्दै उनले सामाजिक सञ्जालमा लेखेका छन्, ‘सूर्यमुखी काँग्रेसहरु जसले जित्दा-जित्दैको निर्वाचन हराउन सफल हुनुभयो। त्यस्ता नेता तथा कार्यकर्ता र पत्रकारजीहरुलाई समेत बधाई एवं शुभयात्रा भन्न चाहान्छु।’

दोलखाका केही निर्वाचन क्षेत्रमा धाँधली भएको प्रमाणित भएपछि मंसिर १५ गते पुन: निर्वाचन भएको थियो। प्रदेश सभा १ मा कांग्रेसका कुन्दन काफ्ले र प्रतिनधि सभामा एमालेका बालकृष्ण शिवाकोटीले अग्रता लिइरहेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

तीन उपकुलपति नियुक्त

दुई खर्ब भन्दा बढीले बढ्यो वैदेशिक सहायता

सम्पति शुद्धीकरण निवारणमा नेपालको अवस्था सुधार्न उच्चस्तरीय बैठक