दोहा– डेन्जल डम्फ्रिजलाई रोक्न नसक्दा अमेरिका विश्वकपको प्रिक्वाटरफाइनलबाट बाहिरिएको छ। अमेरिकालाई शनिबार राती ३–१ गोलले पराजित गरेको नेदरल्याण्ड्स क्वाटरफाइनल प्रवेश गरेको हाे।
डच टिमको जितमा इन्टर मिलानका राइट ब्याक डम्फ्रिज हिरो सावित भए। उनले एक गोल गर्नुका साथै गोलका लागि दुई वटा अवसर जुराइदिएका थिए।
नेदरल्याण्ड्सले पहिलो हाफमा २–० को अग्रता बनाएको थियो। पहिलो गोल मेम्फिज डिपेइले १० मिनेटमा गरेका थिए। दोस्रो गोल ४५ मिनेटपछि थप भएको समयमा डेली ब्लान्डले गरे।
अमेरिकाका लागि एक मात्र गोल हाजी राइटले ७६ मिनेटमा गरे। नेदरल्याण्ड्स गत विश्वकपमा छनाेट पनि हुन सकेकाे थिएन। २०१४ काे विश्वकपमा भने तेस्राे भएकाे थियाे।
अमेरिकाले खेलकाे सुरुवातमै अग्रता लिने माैका पाएकाे थियाे। तर त्यसलाई सदुपयाेग गर्न सकेन। टिमका स्टार खेलाडी क्रिस्टियन पुलिसिकले ३ मिनेटभित्रै डिबक्सभित्र अवसर पाएका थिए। उनलाई त्याे अवसर सर्जिनाे डस्टले मिलाइदिएका थिए। तर डच गाेल पाेस्टमा राम्राे दिशा दिन नसक्दा गाेलकिपर एन्ड्रिज नाेपेर्टकाे हातमा बल पुगेकाे थियाे।
पहिलाे हाफकाे अन्त्यतिर पनि टिमाेथी वेहा र डेस्टले माैका नपाएका हाेइनन्। तर उनीहरु पनि गाेल गर्नबाट चुके।
यसकाे विपरित राइट विङकाे माेर्चा सम्हालेका इन्टर मिलानका डच डिफेन्डर डेन्जल डम्फ्रिजकाे मुभलाई बीचमा राेक्न नसक्दा अमेरिकाले ठूलाे मूल्य चुकाउनु पर्याे। उनले १० मिनेटमा डिबक्समा डिपेइलाई पहिलाे गाेलकाे लागि अवसर मिलाइदिएका थिए।
पहिलाे हाफकाे निर्धारित ४५ मिनेटकाे खेल सकिएर थप भएकाे खेलकाे एक मिनेटभित्रै पुन: डम्फ्रिजले अर्काे मुभमार्फत ब्लाइन्डलाई डिबक्सभित्र अवसर मिलाए।
पहिलाे हाफमा २ गाेलले पछाडि परेकाे अमेरिकाले दाेस्राे हाफमा खेलमा फर्किन थुप्रै प्रयास गरेकाे थियाे। यही सिलसिलामा अतिरिक्त खेलाडीकाे रुपमा मैदान प्रवेश गरेका हाजी राइटले आफू मैदान प्रवेश गरेकाे ९ मिनेटभित्र गाेल गरेका थिए। तर त्यसकाे पाँच मिनेटमा डच टिमले पुन: गाेल फर्काउदै अमेरिकी याेजनामा पानी फेर्याे। तेस्राे गाेल डम्फ्रिजले नै ८१ मिनेटमा गरे।
डच टिमसँगकाे पराजयपछि अमेरिका कतार विश्वकपकाे नकआउट चरणबाट बाहिरिने पहिलाे टिम बनेकाे छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768982215.png)
-1764146706.png)
