काठमाडौं– भारको निर्णयलाई लिएर पुनः प्रश्न उठेको छ। स्पेनविरूद्ध जापानले गरेको दोस्रो गोलमा भारले गलत निर्णय दिएको भन्दै दर्शकहरूले गुनासो गरेका छन्।
बिहीबार राती समूह ‘इ’ अन्तर्गत पूर्वविश्व च्याम्पियन स्पेनविरूद्ध जापानका लागि आवो तानाकाले गोल गरेका थिए। उनले गरेको गोलका लागि मितोमाले पास मिलाएका थिए। गोल लाइनबाट मितोमाले मिलाएको पास दर्शकहरूले भिडियोमा बाहिर गइसकेको देखेका थिए। तर, भारले त्यो बल गोल लाइनभित्रै भएको भन्दै स्विकृत प्रदान गरेको थियो।
मितोमाले त्यो बल ५१ मिनेटमा मिलाएका थिए। भारले ५३ मिनेटमा भिडियो रिप्ले हेरेर सदर गरेको थियो।
यसअघि अर्जेन्टिना र साउदी अरेबियाबीचको खेलमा पनि मार्टिनेजले गरेको गोललाई अफसाइड दिने भारको निर्णयमा त्रुटी देखिएको भन्दै प्रश्न उठेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
