काठमाडौं– विश्वकप फुटबलमा इरानले वेल्समाथि जित निकालेको छ। कतारमा जारी विश्वकपमा इरानको यो पहिलो जित हो। खेलको अतिरिक्त समयमा इरानकले दुई गोल गर्दै महत्वपूर्ण जित निकालेको हो।
वेल्सका गोलकिपर वेन हेनेसीले खेलको ८५ औं मिनेटमा खराब फउल गरेपछि रातो कार्ड पाएका थिए। इरानका खेलाडीलाई खराब फउल गरेपछि भारमार्फत उनलाई रातो कार्ड दिइएको हो। त्यसपछि १० खेलाडीमा सीमित भएको वेल्समाथि गोल गर्दै इरानले सनसनीपूर्ण जित निकालेको हो।
इरानका लागि अतरिक्त समयको ९७ औं मिनेटमा रौबेह चेश्मीले गोल गरेका थिए। यस्तै, रमिन रिजियनले १०० औं मिनेटमा अर्को गोल थपे। जितसँगै इरानले ३ अंक बटुलेको छ।
समूह ‘बी’मा रहेका यी दुई टोलीको खेल अहिले कतारको दोहास्थित बिन अली रंगशालामा भएको थियो । पहिलो खेल वेल्सले अमेरिकासँग बराबरी खेलेको थियो। इरान भने इंग्ल्याण्डसँग ४–२ गोलले पराजित भएको थियो।
अर्को चरण प्रवेश सहज बनाउन यी दुवै टोलीले जित्नै पर्ने दबाब थियो। जसमा इरानले बाजी मार्यो।
इरानले दोस्रो हाफमा राम्रो मुभ बनाएको थियो। ५१ औं मिनेटमा हानेका दुईवटा प्रहार गोलपोस्टको बारमा लागेर फर्केका थिए। तेस्रो प्रहार भने वेल्सका किपरले बचाउ गरेका थिए।
वेल्सले पनि ६७ औं मिनेटमा गोलका लागि राम्रो मुभ बनाएको थियो। इरानी डिफेन्डरले त्यसलाई निस्तेज पारेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
