काठमाण्डौं– आइतबार हुने प्रतिनिनिधि सभा र प्रदेश सभाको निर्वाचनमा खटिएका कर्मचारीहरूलाई प्रमुख निर्वाचन आयुक्त दिनेशकुमार थपलियाले विशेष निर्देशन दिएका छन्। मतदान तथा मतगणना कार्यलाई स्वच्छ र निष्पक्ष ढङ्गले सम्पन्न गरी स्वच्छ निर्वाचन गराउन भन्दै उनले शनिबार उक्त निर्देशन दिएका हुन्।
‘सम्पूर्ण जिम्मेवार कर्मचारी साथीहरू तपाईंहरूले यो महत्वपूर्ण जिम्मेवारीमा नियुक्ति भई कार्य सम्पादन गर्न खटिनु भएकोमा म निर्वाचन आयोग र मेरो व्यक्तिगत तर्फबाट सबैलाई बधाई दिन्छु र केही सन्देशसहित शुभकामना पनि दिन चाहान्छु। मतदान अधिकृत, मतगणना अधिकारी र कर्मचारीको अधिकार पाउनु भनेको अत्यन्त गर्वको विषय हो र गरिमा र मर्यादालाई कायम राख्दै मतदान तथा मत गणना कार्य मर्यादित र व्यवस्थित बनाउनका निम्ति सङ्कल्प गर्नुस्’, उनले भनेका छन्।
थपलियाले नेपालको संविधान प्रचलित ऐनकानुन आचारसंहिता निर्वाचनसम्बन्धी निर्देशिका कार्यविधि र निर्वाचनको निम्ति दिइएका सबै निर्देशनको पूर्णरूपमा पालना गर्न निर्देशन दिएका छन्। साथै, उनले व्यक्तिगत संस्थागत एवम् पदीयरूपमा सधैँ स्वतन्त्र र निष्पक्ष रहेर कुनै रानीतिक दल वा उम्मेदवारप्रति कुनै किसिमको झुकाब नराखी मतदान तथा मतगणनासम्बन्धी कार्य सम्पादन गर्न निर्देशन दिएका छन्।
‘निर्वाचनको कार्य सम्पादन गर्ने सिलसिलामा प्रत्यक्ष वा अप्रत्यक्ष रुपमा कसैको पनि प्रभाव, दबाब र भनसुन आउन सक्छन्। त्यसबाट सँधै टाढा रहनुस् र कुनै आग्रह पूर्वाग्रहबाट प्रेरित नभइ निष्ठापूर्वक निर्वाचन गराउने कर्तव्यबाट विचलित नहुनुस्। सदैब प्रतिबद्ध भएर आफ्नो काममा लाग्नुस्। निर्वाचनमा प्रयोग भएका मतपत्र मतपेटिका र अन्य निर्वाचन सामाग्रीको दुरुपयोग कहीँकतैबाट हुन नदिनुुस्। कसैले अवान्छित काम गर्न खोज्यो भने कानुनबमोजिम कार्य गर्नुस्। तर यस्ता काममा कुसैको मतियार वा सहयोगी नबन्नुस्,’ उनले भनेका छन्।
मतदान तथा मत गणनासम्बन्धी कुनै पनि किसिमका विवाद निरुपण गर्दा पक्षबाट पर्नसक्ने प्रभावबाट सधँ सजग रहन र राजनीतिक दल वा त्यहाँका प्रतिनिधि कुनै व्यक्तिको स्वार्थमा परेर कुनै काम नगर्नसमेत उनले निर्देशन दिएका छन्।
‘मतदान तथा मतगणनाको सिलसिलामा रानीतिक दल, उम्मेदवार, कर्मचारी, अनुगममनकर्ता, नागरिकर्मी, निरीक्षक, सञ्चारकर्मी र मतदातालगायत सबैप्रति आधारभाव र समान व्यवहार गर्न नैतिक आचरण व्यवहार र कार्यशैलीले निर्वाचनको स्वच्छता र स्वतन्त्रताको मापन हुने प्रमुख निर्वाचन आयुक्त थपलियाले स्पष्ट पारेका छन्।
‘तपाईंको काम देखेर तपाईं आफैँ लज्जित हुनुपर्ने अवस्था आयो भने हामी सबैको दुर्भाग्य हुन्छ। तपाईं जे काम गर्दै हनुहुन्छ। त्यो निर्वाचन आयोग भनेर गर्दै हुनुहुन्छ। त्यसैले म तपाईंहरू सबैलाई यो आयोगको सम्पूण विश्वास सुम्पिन चाहान्छु। र, सम्पूर्ण सफलताको शुभकामना दिन चाहान्छु,’ उनले भनेका छन्, ‘तपाईंहरूको कर्तव्यपूर्ण तर्फबाट निर्वाचन आयोग साँँच्चै नै स्वच्छ, स्वतन्त्र निष्पक्ष र भयरहित वातावरणमा सम्पन्न भएको हामी सबैले गर्व गर्ने छौँ’, उनले भनेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1781922122.jpg)
-1764146706.png)
