काठमाडौं– मेलबर्न क्रिकेट ग्राउन्ड बाहिर पाकिस्तानको अभ्यास सेसन पूरा भएको थियो। त्यसैबेला एक अष्ट्रेलियन नागरिक आए र पाकिस्तानी खेलाडीलाई भने, ‘तपाईंहरुले इंल्यान्डलाई हराउनुहुनेछ।’
यसले के देखाउँछ भने आइतबार हुने फाइल खेलमा पाकिस्तानले नयाँ फ्यानहरु पाउनेछ। पाकिस्तानलाई हौसला दिनेहरुमा अष्ट्रेलियाका स्थानीय पनि हुने देखिएको छ।
परम्परागत प्रतिद्वन्द्वी इङ्ल्यान्ड र अष्ट्रेलियाबीचमा खेल नहुने भएपछि अष्टेलियाली क्रिकेट समर्थक यसपटक पाकिस्तानको साथ उभिने भएका छन्। पाकिस्तानले फाइनल खेलका लागि मलबर्न पुगेर पहिलो अभ्यास गरिरहँदा अलराउन्डर एवं पाकिस्तानी टिमका एक महत्त्वपूर्ण खेलाडी शादाब खान देखिएनन्।
पाकिस्तानलाई खेलमा फर्काउन सक्ने क्षमता भएका उनी सेमिफाइनल खेलमा न्यूजिल्यान्डविरुद्धको खेलमा सुरुका ओभरमा मैदानमा फूर्तिका साथ देखिएका थिए।
तर, फिल्डिङ गर्दा उनी घाइते भए। हालसम्म उनको फिटनेश स्पष्ट हुन नसक्दा खेल्ने वा नखेल्ने कुनै निर्णय भएको छैन। मेलबर्नमा इङ्ल्यान्ड र पाकिस्तानबीचमा टी–२० वर्ल्डकपको फाइनल खेल हुँदैछ। तर उनी आराम गरिरहेका छन्।
इङ्ल्यान्डको टिमलाई जोस बटलरलले नेतृत्व गरेका छन् भने पाकिस्तानकी टिमलाई बाबर आजमले नेतृत्व गरेका छन्। फाइनलमा पुगेको इङ्ल्यान्ड भारतलाई १० विकेटले पराजित गरेर उच्च मनोवलसहित रहेको छ। न्यूजिल्यान्डसँग भएको सेमिफाइनलमा सात विकेटले जति हात पारेको पाकिस्तान पनि जबरजस्त रुपमा खेलमा फर्केको छ।
फाइनल खेलमा केही खेलाडी हेर्न लायक देखिन्छन्। खेल विश्लेषकहरुले यो विश्वकप ओपनिङ जोडीमा निर्भर हुने दाबी गरेका छन्।
ओपनिङमा निर्भर छ विश्वकपको जित
मेलबर्नमा आइतबार खेलिने टी–२० विश्वकपको फाइनल खेलको परिणाम धेरै हदसम्म पाकिस्तान र इङ्ल्यान्डको ओपनिङ जोडीको प्रर्दशनमा निर्भर हुने छ। यी जोडीहरुले नै सेमिफाइनलमा जित हात पार्नका लागि अहम भूमिका निर्वाह गरे।
सही अर्थमा हेर्दा पावर प्लेले फाइनल खेलको दिशा तय गर्ने छ। दुवै टिमको सम्पूर्ण ध्यान र ज्यान ओपनिङ जोडीमा छ। इङ्ल्यान्डका ओपनर जास बटलर र एलेक्स हेल्सले यो विश्वकपमा अहम भूमिका निभाएका छन्। तर पाकिस्तानका ओपनिङ जोडी कप्तान बाबर आजम र रजिवानको जोडी जम्न सकिरहेको थिएन।
खासगरी कप्तान बाबरप्रति धेरै आस गरे पनि उनी फर्ममा फर्कन नसक्दा पाकिस्तान समस्यामा परेको थियो। तर, न्यूजिल्याडसँगको सेमिफाइलपछि उनी फर्ममा फर्केका छन्। पावर प्लेमा यो जोडीले ६५ रन बनाउँदै खेल आफ्नो पक्षमा पार्न सफल भए।
उच्च फर्ममा हेल्स
एलेक्स हेल्सले सेमिफाइलनमा भारतविरुद्ध नटआउट ८६ रन बनाए। उनी टि–२० का पोख्त खेलाडी मानिन्छन्। २०१७ मा ब्रिस्टलको पब बाहिर भएको झगडापछि उनी टोलीबाट बाहिर भएका गराइएका थिए। उक्त विवादपछि उनी टोलीमा फर्कँदै राम्रो प्रदर्शन गरेका छन्।
उनले १४ टी–२० खेलमा ४२९ रन बनाइसकेका छन्। उनको स्ट्राइक रेट १४५ रहेको छ। त्यस्तै जोस बटलर पनि टी–२० मा अब्बल खेलाडी हुन्। यो जोडीलाई रोक्न पाकिस्तानसँग शाहीन शाह र आफरीदी छन्। यी दुवै जबरदस्त फर्ममा रहेका छन्। इङ्ल्यान्डसँग पनि बलर र अलराउन्डर रहेका छन्। मोहिन अलि, क्रिस वक्स जस्ता खेलाडीले नतिजा जुनसुकै समयमा परिर्वतन गर्न सक्ने देखिन्छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
