काठमाडौं– हिन्दी सिनेमाका दर्शकका लागि बहुप्रतिक्षित फिल्म मध्येको एक हो, ‘हेरा फेरी ३’। २० वर्ष पहिले रिलिज भएको ‘हेरा फेरी’को तेस्रो सिक्वेल कहिले आउँछ भन्ने प्रतिक्षा भइरहेका बेला यसको कास्टिङमा फेरबदल भइरहेको खबर सार्वजनिक भएको छ।
बलिउड हंगामाका अनुसार ‘हेरा फेरी ३’ को लिड रोलमा कार्तिक आर्यन देखिनसक्ने चर्चा छ। यसअघिका दुई पार्ट ‘हेरा फेरी’ र ‘फिर हेरा फेरी’मा लिड रोलमा रहेका अक्षय कुमार तेस्रो सिक्वलमा पनि दर्शक हसाउने भूमिकामा नै हुन सक्नेछन्। तर, अक्षयको ठाउँमा लिड रोलमा भने कार्तिक हुने खबरमा जनाइएको छ।
बलिउड हंगामाका अनुसार निर्माता फिरोज नाडियाडवाला पछिल्ला केही हप्तादेखि अक्षय र कार्तिकसँग समानान्तर रुपमा संवादमा थिए।
समाचार स्रोतको हवाला दिँदै बलिउड हंगामाले लेखेअनुसार ‘हेरा फेरी ३’का लागि अक्षयले ९० करोड भारु पारिश्रमिक र प्रोफिट शेयरिङ (नाफामा भागबण्डा) मागेका थिए। तर, कार्तिकले भने ३० करोड भारुमै फिल्म खेल्न तयार भए।
‘भुलभुलैया २’को सफलतापछि कार्तिकको डिमान्ड बढेको छ। जसकारण निर्माताका लागि कार्तिक ‘हट च्वाइस’ बनेका छन्।
हेरा फेरी ३ मा कार्तिक ‘युवा राजु’को रुपमा देखिने सम्भावना रहेको बलिउड हंगामाले लेखेको छ। जबकि यसअघिका दुवै पार्टमा अक्षय कुमार राजुको भूमिकामा थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
