तस्बिर: आईसीसी
काठमाडौं– अस्ट्रेलियामा जारी टी–२० विश्वकप क्रिकेट प्रतियोगितामा नेदरल्याण्ड्सले दक्षिण अफ्रिकामाथि १३ रनको जित हात पारेको छ।
नेदरल्याण्ड्सको जितसँगै भारतको सेमिफाइनल यात्रा पक्का भएको छ। नेदरल्याण्ड्सलाई पराजित गरेको भए दक्षिण अफ्रिका सेमिफाइनल प्रवेश गर्ने थियो।
नेदरल्याण्ड्ससँगको हारसँगै दक्षिण अफ्रिका सुपर १२ बाट बाहिरिँदा अन्य दुई दक्षिण एसियाली राष्ट्र पाकिस्ता र बंगलादेशलाई पनि राहत मिलेको छ। आइतबार हुने यी दुई टिम बीचको खेलको बिजेत टिम पनि सेमिफाइनल प्रवेश गर्नेछ।
ग्रुप २ मा रहेको भारतले ४ खेलबाट ६ अंक जोडेको। ५ खेल खेलिसकेको दक्षिण अफ्रिका ५ अंकसहित दोस्रो स्थानमा छ। ४–४ खेल खेलेका पाकिस्तान र बंगलादेशको समान ४ अंक छ।
दक्षिण अफ्रिकाका लागि राइले रुसोले सर्वाधिक २५ रन बनाए। हेनरिक क्लासेनले २१ तथा कप्तान तेम्बा बभुमाले २० रन जोडे।
नेदरल्याण्ड्सले दिएको १५९ रनको लक्ष्य पछ्याएको दक्षिण अफ्रिकाले २० ओभरमा ८ विकेट गुमाएर १४५ रन मात्र बनाउन सक्यो।
नेदरल्याण्ड्सका लागि ब्रान्डन ग्लोभरले ३ विकेट लिए। यस्तै, फ्रेड क्लासेन र बास डे लिडले समान २–२ विकेट लिए। यस्तै, पाउल भान मिकरेनले १ विकेट लिए।
टस हारेर पहिले ब्याटिङको मौका पाएको नेदरल्याण्ड्सले २० ओभरमा ४ विकेट गुमाएर १५८ रन बनाएको थियो। नेदरल्याण्ड्सका लागि कोलिन अकरमाले अविजित ४१ रन बनाए। स्टेफन माइवर्गले ३७, टम कुपरले ३५ र म्याक्स ओ डाउडले २९ रन बनाए। दषिण अफ्रिकाका केसव महाराजले २ तथा एनरिच नोर्त्जे र एडेन मार्करामले १–१ विकेट लिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749826086.png)
