काठमाडौं– नेपाली अलराउण्डर दीपेन्द्र सिंह ऐरी अन्तर्राष्ट्रिय क्रिकेट परिषद् (आईसीसी) टी–२० अलराण्डर वरीयतामा थयावत् रहेका छन्।
आईसीसीले मंगलबार सार्वजनिक गरेको टी–२० अलराण्डर वरीयतामा दीपेन्द्र १३औं स्थानमा छन्। दीपेन्द्रले १५१ रेटिङ अंक जोडेका छन्।
नेपालले अन्तिमपटक गत अगस्टमा केन्याविरुद्ध अन्तर्राष्ट्रिय टी–२० खेल खेलेको थियो। त्यसयता नेपाली टोलीले प्रतिस्पर्धा गरेको छैन। केन्याविरुद्धको सिरिजमा दीपेन्द्रले कुल १६१ रन बनाएका थिए।
अलराउण्डरको वरीयताको १ नम्बरमा बंगलादेशका शकिब अल हसन छन्। शकिबले २५५ रेटिङ अंक जोडेका छन्।
दीपेन्द्रभन्दा एक स्थानमाथि १२औं नम्बरमा जिम्बावेका सिएन विलियम्स छन्। १४औं स्थानमा जिम्बावेका एडेन माक्राम छन्।
नेपाली राष्ट्रिय टोलीका पूर्वकप्तान सन्दीप लामिछाने बलिङतर्फको वरीयताको ७४औं स्थानमा छन्। सन्दीपले ४४७ रेटिङ पाएका छन्। अफगानिस्तानका रसिद खान बलिङतर्फको शीर्ष स्थानमा छन्। रसिदले ७०० रेटिङ अंक पाएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749826086.png)
