काठमाडौं– हिन्दी सिनेमा उद्योग (बलिउड)मा ‘किङ खान’को रुपमा चिनिने शाहरुक खान बिहीबारदेखि ५७औं वर्षमा लागेका छन्। यसपटक उनका लागि जन्मदिन विशेष बनेको छ, आगामी फिल्मलाई लिएर ।
सन् २०१८ मा रिलिज भएको ‘जिरो’ नामक फिल्म फ्लप भएपछि शाहरुख लिड रोलका साथ ठूलो पर्दामा देखिएका छैनन्। त्यसो त सन् २०१४ मा रिलज भएको ‘ह्याप्पी न्यू इयर’पछि बक्स अफिसमा उनका फिल्मले राम्रो प्रदर्शन गरेका छैनन्।
सन् २०१५ मा रिलिज भएको ‘दिलवाले’ र सन् २०१७ मा रिलिज भएको ‘रइस’ले बक्सअफिस कलेक्सनमा १०० करोडको आँकडा पार गरे पनि शाहरुखका अन्य फिल्महरु फ्लप नै भए।
अंग्रेजी नयाँ वर्ष (२०२३) मा रिलिज हुने फिल्म ‘पठान’को टिजर शाहरुखको जन्मदिनको अवसर पारेर बिहीबार सार्वजनिक गरिएको छ।
फिल्महरु लगातारजसो फ्लप भएपछि पर्दाबाट ओझेल पर्दै गएका भनिएका शाहरुखका लागि ‘पठान’ राम्रो कमब्याक बन्नसक्ने धेरैको अपेक्षा छ।
पठानमा शाहरुखसँगै दीपिका पादुकोण, जोन अब्राहमको पनि मुख्य भूमिका छ। पठानबाहेक शाहरुखका एटलीको फिल्म ‘जवान’ र राजकुमार हिरानीको सोसल ड्रामा ‘डंकी’ पनि रिलिज हुँदैछन्।
फिल्म पठानको टिजर:
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
