काठमाडौं– सरकारको नेतृत्व गरिरहेको दल नेपाली कांग्रेसले जारी गरेको घोषणापत्रमा सम्मुन्नत नेपालको मार्गचित्रअन्तर्गत सम्मुन्नत नेपाल संस्थापक नेता बीपी कोइरालाकै समातामुलक समाजको परिकल्पनाको विस्तारित व्याख्या भएको उल्लेख गरिएको छ।
शनिबार कांग्रेस पार्टी कार्यालय सानेपामा सार्वजनिक गरिएको घोषणापत्रमा प्रमुख प्रतिपक्ष दल नेकपा (एमाले)को रेल र पानी जहाजका विषयमा व्यंग्य गर्दै त्यसलाई सपनाको व्यापारको रुपमा संज्ञा दिएको छ। कांग्रेसले अग्ला भवन, भीमकाया भ्युटावर र हिमालमा रेल कुदाउने लगायत सपनाको व्यापार भएको बताउँदै यी धान्नै नसकिने बोझिला विकासका मोडेल भएको उल्लेख गरेको छ।
ऋणको भारी बोकाउने, प्राकृतिक स्रोतहरूको अवैज्ञानिक दोहन गर्ने तथा जनसंख्याको केन्द्रीकरण गर्दै असमानता चर्काएर द्धन्द्धको विउ रोप्ने विकासको भाष्यप्रति फरक दृष्टिकोण रहेको घोषणापत्रमा जनाइएको छ।
कांग्रेसले जारी गरेको घोषणापत्रमा शिक्षा, स्वास्थ्य, उद्यम, रोजगार र निजी क्षेत्र, विज्ञान–प्रविधि, सञ्चार,जलवायु परिवर्तन र वातावरण संरक्षण, कृषि, भौतिक पूर्वाधार, उर्जा–जलस्रोत, पर्यटन लगायतका क्षेत्रलाई प्राथमिकता दिएको छ। त्यस्तै, एकीकृत सामाजिक सुरक्षा कोखदेखि शोकसम्मका विषयलाई कांग्रेसले घोषणापत्रमा समेटेको छ।
त्यसैगरी, पाँच हजार सुत्केरी भत्ताको व्यवस्था, सुत्केरी आमा र शिशुका लागि एक हजार दिनसम्मको पोषण कुपनको व्यवस्थासमेत गर्ने घोषणापत्रमा उल्लेख गरिएको छ।
यस्तै, तीन वर्षमुनिका बालबालिकालाई निःशुल्क उपचारको व्यवस्था, शिशु स्याहार केन्द्र र दिवा खाजा, अपाङ्गता भएका व्यक्ति, दलित र विपन्न विद्यार्थीहरूलाई निःशुल्क उच्च शिक्षासम्म विशेष सहयोग र छात्रवृत्ति गर्ने आश्वासन कांग्रेसले घोषणापत्रमार्फत दिएको छ।
साथै, सबै नागरिकलाई स्वास्थ्य बीमा, ६५ वर्ष माथिका जेष्ठ नागरिक, अपाङ्गता भएका व्यक्ति र विपन्न लगायतलाई निःशुल्क स्वास्थ्य बीमाको व्यवस्था गर्ने भनिएको छ।
यसैगरी, विपन्न वर्गका लागि न्यूनतम सय दिनका लागि रोजगारीको प्रत्याभूति, सबै श्रमिकलाई संचयकोष र उपदानको प्रत्याभूति, ६५ वर्ष पुगेकालाई जेष्ठ नागरिक भत्ता, ७३ वर्ष माथिकालाई निःशुल्क उपचारका साथै विपन्न आर्थिक अवस्था भएका नागरिकको मृत्यु हुँदा मृत्यु संस्कारबापत स्थानीय सरकारमार्फत १० हजार रुपैयाँ उपलब्ध गराउने लगाायतका विषय ५२ पृष्ठ लामो घोषणापत्रमा उल्लेख गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1747907803.png)
_5eLpujCcDK-1747909423.jpg)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
