कांग्रेस नेता केसीको प्रश्न : एमालेलाई भोट दिनुको औचित्य के?

राजनीति

नेपाल लाइभ शनिबार, कात्तिक ५, २०७९ २१:३५

काठमाडौं – नेपाली कांग्रेस केन्द्रीय सदस्य अर्जुननरसिंह केसीले स्थायी सरकार र जनताको न्यायको लागि गठबन्धनको लागि भोट दिन आह्वान गरेका छन्।

शनिबार नुवाकोट–काठमाडौं सम्पर्क समिति गठबन्धन दलले गरेको कार्यक्रममा बोल्दै नुवाकोट क्षेत्र नं २ का उम्मेदवारसमेत रहेका उनले यस्तो आह्वान गरेका हुन्।

अघिल्लो निर्वाचनमा वाम गठबन्धनलाई दुई–तिहाइ नजिकको मत दिए पनि दुई–दुई पटक संसद् विघटन गरेको र प्रतिपक्षमा पुग्दा संसद्मा काम गर्न नदिएको केसीले स्मरण गरे।

आन्तरिक द्वन्द्धका कारण दुई–तिहाइ बहुमत नजिकका प्रधानमन्त्रीले सरकार सकेनन्,’ उनले भने प्रश्न गरे, ‘जुनदिन प्रतिपक्ष पुग्यो त्योदिन संसद् चल्न नदिने अनि किन एमालेलाई भोट दिने?

सबै विचारलाई मिलाएर एक बनाउनका लागि आफूहरूले गठबन्धन गरेको नेता केसीले स्पष्ट पारे।

‘हामीले प्राप्त गरेको संविधान जोगाउनका लागि हामीले गठबन्धन गरेका हौं। भिन्न–भिन्न विचार लिएर हामी एक भएका छौं,’ उनले भने।

०६२–०६३ को जनआन्दोलनपछि शान्ति सम्झौता भएको र त्यसमा गिरिजाप्रसाद कोइराला र पुष्पकमल दाहाल प्रचण्डले हात मिलाएर हस्ताक्षर गरेपछि गठबन्धन सुरु भएको उनले दाबी गरे।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

प्रधानमन्त्री ओलीसँग भारतीय सेनाध्यक्ष द्विवेदीको भेट

कालीकोटको नाग्मबाट टीकापुर जाँदै गरेको बस दैलेखमा दुर्घटना

धरहरा चढ्न सरकारले तोक्यो शुल्क, अन्य शुल्क कति?