काठमाडौं – पूर्वविजेता वेस्ट इण्डिजलाई फराकिलो अन्तरले हराउँदै आयरल्याण्ड टी–२० विश्वकप क्रिकेटको सुपर १२ मा प्रवेश गरेको छ।
अष्ट्रेलियामा जारी प्रतियोगिताअन्तर्गत केहीबेरअघि सम्पन्न पहिलो चरणको निर्णायक खेलमा वेस्ट इण्डिजलाई ९ विकेटको फराकिलो अन्तरले हराउँदै आयरल्याण्ड सुपर १२ मा पुगेको हो।
वेस्ट यण्डिजले दिएको एक सय ४७ रनको लक्ष्य पछ्याएको आयरल्याण्डले मात्र १ विकेटको क्षतिमा १७.३ ओरमै १५० रन बनाउँदै लक्ष्य पूरा गर्दै जित निकालेको हो।
आयरल्याण्डलाई जित दिलाउन पाउल स्टिर्लिङले अविजित रहँदै ६६ रन बनाए। यस्तै, लोर्कान टर्कर पनि ४५ रनमा अविजित रहे।
यसैगरी, कप्तान एन्ड्रयू बालबिर्नीले ३७ रन बनाए।
आयरल्याण्डका ब्याटरसामु वेस्ट इण्डिजका बलर निरीह बनेका थिए । एकेल होसेइनले मात्र १ विकेट लिए । अरु बलरले वेस्ट इण्डिजका ब्याटरहरूको विकेट विकेट लिन सकेनन्।
त्यसअघि, टस जितेर ब्याटिङ गरेको वेस्ट इण्डिजले निर्धारित २० ओभरमा ५ विकेट गुमाएर १४६ रन बनाएको थियो ।
वेस्ट इण्डिजका ब्रेन्डन किंगले ६२ रन बनाए पनि आफ्नो टोलीको जित निकाल्न सकेनन्।
आयरल्याण्डका ग्यारेथ डेलनीले ३ विकेट चट्काए।
यस हारसँगै सन् २०१२ र २०१६ गरी दुई पटकको विजेता पहिलो चरणबाटै चरणबाटै बाहिरिएको छ।
समूह बीचको अर्को निर्णायक खेलमा अहिले स्कटल्याण्ड र जिम्बावे भिड्दैछन्।
समूह ए बाट श्रीलंका शीर्ष र नेदरल्याण्ड्स दोस्रो स्थानमा रहँदै सुपर १२ मा पुगिसकेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778551198-1778552039.jpeg)
-1788325478.jpg)
-1786602170.png)
-1786513116.png)
