सन्दीपलाई अदालतबाट ७ दिन म्याद थप, इजलासमा भने, ‘म निर्दोष छु’

सुरक्षा/अपराध

नेपाल लाइभ सोमबार, असोज २४, २०७९ ११:२४

काठमाडौं- नेपाली क्रिकेट टिमका कप्तान रहेका सन्दीप लामिछानेलाई जिल्ला अदालत काठमाडौंले ७ दिन म्याद थप गरेको छ।

जिल्ला अदालतले असोज २० गतेदेखि लागू हुने गरी २७ गतेसम्मका लागि म्याद थप गरेको उनका कानुन व्यवसायी अधिवक्ता सरोजकृष्ण घिमिरेले बताए।

प्रहरीले उनलाई म्याद थपका लागि अदालत लगेको थियो। इजलासमा लामिछानेले आफू निर्दोष रहेको दावी गरेका छन्। उनले आफूले जबरजस्ती करणी नगरेको र सहमतिमै भएकाले दोषी भन्न नमिल्ने जिकिर गरेका छन्।

जिल्ला अदालतका एक न्यायाधीशको इजलासले सोमबार पहिलो पटक म्याद थप गरेको हो। अब दोस्रो पटक म्याद थपका लागि असोज २७ गते अदालत पेस गर्नु पर्नेछ।

नाबालिगलाई जबरजस्ती करणी गरेको आरोपमा जाहेरी परेपछि सन्दीप न्यायिक हिरासतमा रहेका छन्। यसअघि दशैं बिदाका कारण उनलाई अदालत पेस गर्न सकिएको थिएन। साेमबारबाट अदालतको सेवा सुरु भएकाले अदालत लगिएको हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आमा समूहलाई नौमती बाजा बजाउन भ्याइनभ्याइ

६ हजार बचतकर्ताद्वारा साढे चार अर्ब बचत फिर्ता गराइदिन महानगरमा गुहार

स्मारिका र डाक्टर बिक्रान्तको ‘माया गर्ने मै हो’ भिडियो सार्वजनिक