काठमाडौं– भारतले दक्षिण अफ्रिकाविरुद्धको तीन खेलको टी–२० सिरिज आफ्नो पोल्टामा पारेको छ।
आइतबार भएको दोस्रो टी–२० मा दक्षिण अफ्रिकामाथि १६ रनको जित हात पार्दै भारतले एक खेल अवागै सिरिज कब्जा गरेको हो।
पहिला ब्याटिङ गरेको भारतले निर्धारित २० ओभरमा तीन विकेटको क्षतिमा २३७ रनको विशाल योगफल बनाएको थियो। भारतले दिएको २ सय ३८ रनको लक्ष्य पछ्याएको दक्षिण अफ्रीकाले २० ओभरमा ३ विकेट गुमाएर २ सय २१ रन मात्र बनाउन सक्यो।
भारतका लागि सूर्यकुमार यादवले ६१ रन तथा केएल राहुलले ५७ रनको पाली खेले। विराट कोहलीले अविजित ४९ रन बनाए भने कप्तान रोहित शर्माले ४३ रनको योगदान गरे।
दक्षिण अफ्रिकाका लागि डेभिड मिलरले अविजित १०६ रन तथा क्विन्टन डी ककले अविजित रहँदै ६९ रनको अर्धशतकीय इनिङ खेले।
भारतका अर्शदीप सिंहले २ तथा अक्षर पटेलले १ विकेट लिए। दक्षिण अफ्रीकाका केशव महाराजले २ विकेट लिए।
दक्षिण अफ्रिका र भारतबीचको अन्तिम टी–२० खेल मंगलबार हुनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749826086.png)
