गुल्मी– गुल्मीको रेसुंगा नगरपालिका वडा नम्बर ४ मा सुविधासम्पन्न सभाहल बन्ने भएको छ। शुक्रबार एक कार्यक्रमकाबीच नेकपा एकीकृत समाजवादीकी सचिव तथा पूर्वमन्त्री रामकुमारी झाँक्रीले सभाहलको शिलान्यास गरेकी छन्।
शिलान्याश गर्दै झाँक्रीले निर्माणपछि सभाहलले जिल्लाको गरिमा थप उचाईमा पुग्ने बताइन्। सभा–सम्मेलन तथा सांस्कृतिक कार्यक्रमहरु गर्नका लागि अब घाम र पानीको समस्याबाट मुक्त हुने उनको भनाइ थियो।
यस्तै पछिल्लो समयमा निर्माण व्यवसायीहरुले जिल्लामा पूर्वाधार निर्माणका धेरै काम जिम्मा लिएर बीचमै अलपत्र पारेको स्मरण गराउँदै झाँक्रीले त्यस्ता निर्माण व्यवसायीलाई प्रमुख जिल्ला अधिकारीले प्रशासनमा बोलाएर ताकेता गर्न अनुरोध गरिन्।
यस्तै फरक प्रसंगमा बोल्दै भाँक्रीले गफभन्दा पनि कामलाई आफूले प्राथमिकता दिने दाबी गरेकी छन्। नेताहरुमा कामभन्दा पनि मात्र दिने प्रवृत्ति भएको भन्दै आफू भने त्यस्तो नेताभित्र नपर्ने उनको भनाइ थियो।
रेसुंगा–४ अर्खलेमा बन्ने सभाहलको कूल लागत २० करोड ४२ लाख ९७ हजार १९६ रुपैयाँ रहेको सहरी विकास तथा भवन निर्माण विभाग संघीय कार्यान्वयन ईकाई रुपन्देहीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
_3anZTthbso-1766484950.jpg)
-1764146706.png)
-1763721444.png)
