सन्दीप लामिछाने अध्यागमनको कालोसूचीमा

सुरक्षा/अपराध

नेपाल लाइभ आइतबार, भदौ २६, २०७९ १४:४२

काठमाडौं– नेपाली राष्ट्रिय क्रिकेट टिमका निवर्तमान कप्तान सन्दीप लामिछानेलाई अध्यागमनले कालोसूचीमा राखेको छ। एक किशोरीलाई बलात्कार गरेको आरोपमा पक्राउ पुर्जी जारी भएपछि अध्यागमनले उनलाई कालोसूचीमा राखेको हो।

त्रिभुवन अन्तराष्ट्रिय विमानस्थल सुरक्षा कार्यालयका प्रमुख, डीआईजी श्यामलाल ज्ञवालीले पक्राउ पुर्जी जारी भएपछि अध्यागमनले उनलाई कालोसूचीमा राखेको बताए। पक्राउ पुर्जी जारी भएकाहरुलाई कालोसूचीमा राख्ने चलन अनुसार लामिछानेलाई पनि राखिएको उनले बताए।

१७ वर्षीया किशोरीले लामिछानेबाट आफू बलात्कृत भएको दाबी गर्दै प्रहरी वृत्त गौशालामा गत मंगलबार किटानी जाहेरी दिइन्। कफी पिउन भनेर नगरकोटसम्म पुर्‍याएको, उतै बस्न गरेको प्रस्ताव अस्वीकार गरेपछि काठमाडौंको एक होटलमा ल्याएर भदौ ५ गते राति आफूमाथि बलात्कार भएको ती किशोरीको दाबी छ।

किशोरीले लामिछानेबाट आफू पीडित भएको दाबीसहित दिएको किटानी जाहेरी दर्ता गर्दै प्रहरीले उनीमाथि अनुसन्धान प्रक्रिया अघि बढाएको छ। होटलको सीसीटीभी फुटेज संकलन गर्नेक्रममा लामिछाने र पीडित भनिएकी किशोरी होटलमा प्रवेश गरेको र भोलिपल्ट बाहिरिएकोसम्म फुटेज देखिएको प्रहरी दाबी छ।

त्यसैलाई आधार मान्दै प्रहरीले काठमाडौं जिल्ला अदालतबाट लामछिानेविरुद्ध पक्राउ पूर्जीसमेत लिइसकेको छ। पक्राउ पूर्जी जारी भएपछि नेपाल क्रिकेट संघ (क्यान)ले लामिलाई निलम्बन गरिसकेको छ। हाल क्यारेबियन प्रिमियर लिग (सीपीएल) खेल्न सेन्ट लुसियामा रहेका लामिछानेले सामाजिक सञ्जालमार्फत् आफू निर्दोष रहेको दाबी गर्दै चाँडै नेपाल फर्कने बताएका छन्।

उनी नेपाल आएलगत्तै विमानस्थलबाटै पक्राउ गरेर हिरासतमा राखेर अनुसन्धान गर्ने प्रहरीको तयारी छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कञ्चनपुरमा डिउटीमा रहेका प्रहरीले आफैंलाई गोली हाने, अवस्था गम्भीर

अहिल्यै सरकार परिवर्तन हुने कुनै कारण छैन : कांग्रेस नेता कोइराला

सङ्खुवासभाबाट एक अर्ब बढीको अलैँची निर्यात