त्रिवि क्रिकेट मैदान (फाइल तस्बिर)
काठमाडौं– गण्डकी प्रदेशमा आयोजना हुने नवौं राष्ट्रिय खेलकुद प्रतियोगिताअन्तर्गतका क्रिकेट खेलहरु भने काठमाडौंमा हुने भएका छन्। नवौं राष्ट्रिय खेलकुद प्रतियोगिता असोज र कात्तिकमा हुने भएपनि क्रिकेट खेलहरु भने भदौमा हुने भएका छन्।
नवौं राष्ट्रिय खेलकुदको प्रचार–प्रसार उपसमितिले आइतबार एक विज्ञप्ति जारी गर्दै क्रिकेट खेल भदौ २३ देखि ३१ गतेसम्म सञ्चालन हुने जानकारी दिएको छ। खेलहरु कीर्तिपुरस्थित त्रिवि क्रिकेट मैदान र मुलपानी क्रिकेट मैदानमा आयोजना हुने जनाइएको छ।
क्रिकेटको अन्तर्राष्ट्रिय खेलतालिकासँग नबाझिने गरी क्रिकेट खेलहरु सञ्चालन गरिदिन भनेर नेपाल क्रिकेट संघले गरेको आग्रहअनुसार नवौं राष्ट्रिय खेलकुद प्रतियोगिता सुरु हुनेभन्दा १ महिना अगाडि नै क्रिकेटका खेलहरु सञ्चालन हुने तय गरिएको हो। नवौं राष्ट्रिय खेलकुद प्रतियोगिता आगामी असोज २८ गतेदेखि कात्तिक ३ गतेसम्म हुने छ।
क्रिकेट खेलहरु सञ्चालनका लागि तयारी अन्तिम चरणमा पुगेको जानकारी दिँदै उपसमितिले ११ वटा टिमको सहभागिता रहने जनाएको छ।
उपसमितिले प्रतियोगिताको खेलतालिका समेत सार्वजनिक गरेको छ।
यस्तो छ खेलतालिका:
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
-1765273665.jpg)
