काठमाडौं– नेपाल विद्युत् प्राधिकरणका कार्यकारी निर्देशक कुलमान घिसिङले चालू आर्थिक वर्षभित्र नेपाल भारतसँग बिजुलीको ‘नेट एक्सपोर्टर’ हुने दाबी गरेका छन्।
आइतबार ऊर्जा, जलश्रोत तथा सिँचाइ मन्त्रालयमा आयोजित पत्रकार सम्मेलनमा बोल्दै कार्यकारी निर्देशक घिसिङले यस्तो बताएका हुन्।
उनले चालू आर्थिक वर्षमा भारतबाट आयात हुनेभन्दा भारतमा निर्यात हुने बिजुलीको मात्रा बढी हुने बताए। घिसिङले पछिल्लो ८५ दिनमा भारतमा विद्युत् निर्यात गरेर ६ अर्ब रुपैयाँ आम्दानी गरेको जानकारी दिए। उनले कात्तिकसम्म नै भारतमा बिजुली निर्यात गर्न सकिने बताए।
चालु आर्थिक वर्षकै आगामी थप जेठ असारमा पनि ठूलो मात्रामा बिजुली भारत निर्यात हुने उनको भनाइ छ। घिसिङले अहिले रातिको समयमा केही घण्टामा प्रतियुनिट १२ भारतीय रुपैयाँ र औसतमा प्रतियुनिट रेट ६ भारतीय रुपैयाँसम्म रहेको बताए।
घिसिङले पछिल्लो समय नेपालमा पनि विद्युत्को माग अत्यधिक रहेको उल्लेख गरे। अहिले उत्पादन भएको १०० प्रतिशत विद्युत् खपत भइरहेको उनको भनाइ छ। विद्युत खपत २५ प्रतिशतले बढ्दै गएकाले आगामी वर्ष पनि २५ प्रतिशतले विद्युत् खपत बढ्ने उनले दाबी गरे।
कार्यकारी निर्देशक घिसिङले भविष्यमा नेपालको विद्युत् जनतालाई निःशुल्क दिन सकिने पनि बताए। उनले आगामी केही वर्ष विद्युत्का पूर्वाधारमा ठूलो लगानी गर्नुपर्ने भन्दै सबैले विद्युत् महशुल तिर्न अनुरोध गरे।
घिसिङले तत्कालको लागि उद्योगहरुलाई डिमाण्ड शुल्क छुट दिन नसकिने संकेत गरे। सरकारले कोभिड लगायतका कारणले छुट दिएको उनको भनाइ छ। अहिलेसम्म करिब ९३ प्रतिशत विद्युत्को पहुँच पुगेको दाबी गर्दै उनले आगामी २ वर्षमा सरकारले शतप्रतिशत विद्युत्को पहुँच पुर्याउने लक्ष्य सरकारले लिएको उनको भनाइ छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
