काठमाडौं– केएल राहुलले चोटका कारण यो वर्ष भारतीय क्रिकेट टोलीका लागि एउटा पनि टी–२० अन्तर्राष्ट्रिय खेल खेलेका छैनन्। टोलीबाट बाहिर बसे पनि उनले यस ढाँचामा भारतको रणनीतिमा ठूलो परिवर्तन देखेका छन्। अब आईसीसी टी–२० विश्वकपअघि उनी आफैं यस प्रक्रियाको हिस्सा बन्न उत्सुक छन्।
बिहीबार जिम्बाब्वेमा भारतले ३–० ले एकदिवसीय सिरिज जितेपछि उनी पहिलोपटक दुबईमा भारतको टी–२० टोलीसँग अभ्यास गर्दै थिए। जिम्बाब्वेमा दुई इनिङ्स खेले, तर उनी लयमा थिएनन्। यस्तो अवस्थामा उनले अभ्यासमा अलि बढी समय र ध्यान दिनु उपयुक्त ठाने।
कार्यवाहक प्रशिक्षक वीभीएस लक्ष्मणले मजाक गर्दै उनलाई दुईपटक नेटबाट बाहिर निकाल्न निर्देशन दिएका थिए। समग्रमा, यो तीन घण्टाको सत्रमा राहुलले तीनपटक ब्याटिङ गरे। उनको वरिपरि विराट कोहली, रोहित शर्मा र सूर्यकुमार यादवले अवसरको फाइदा उठाउँदै आफूमा रहेका कलाकारीलाई प्रस्तुत गरिरहेका थिए भने राहुल पूर्णतया आफ्नै लय खोज्नमा केन्द्रित थिए।
तीव्र गतिको बलिङविरुद्ध राहुलको सुरुआत अलि अधीर भएको थियो, जब अर्शदीप सिंहले उनलाई तीन बलमा राम्रो ‘फुटिङ’मा आउट गरेका थिए। तर, त्यसपछि राहुलले भुवनेश्वर कुमारविरुद्ध केही सुन्दर ‘स्ट्रेट ड्राइभ’को साथ लाइन ‘कभर’ गरे। यस सत्रको अवधिमा स्टम्पको ठीक पछाडि र नेट बाहिर कभरको दिशामा अवस्थित दुई क्यामेराले प्रत्येक क्षण रेकर्ड गरिरहेका थिए।
पहिलो सत्र करिब आधा घण्टासम्म चलेको थियो। केही समयको विश्रामपछि राहुल स्पिनविरुद्ध दोस्रो राउण्डको लागि नेटमा प्रवेश गरे। यसपटक उनका मुख्य प्रतिद्वन्द्वी थिए, रविन्द्र जडेजा र रविचन्द्र अश्विन। उनीहरुले राहुललाई केही ‘स्लाइडर’को साथ उच्च गतिमा बलिङ गरे र ‘ब्याकफुट’मा खेल्न बाध्य पारे। राहुलले पहिलो सत्रमा देखाएको धैर्य विस्तारै तोड्दै आक्रमणमा परिणत गरे। उनले ‘साइटस्क्रिन’बाट सीधा छक्का प्रहार गरे।
तेस्रो सत्रमा अर्शदीपलाई नयाँ बल दिइएको थियो। जसले गर्दा उनले राहुललाई अतिरिक्त ‘स्विङ’बाट समस्यामा पार्न सक्थे। राहुलको पूर्ण ‘फोकस’ र एकाग्रताा साथ अगाडी बढेर बिना कुनै हिच बलसँग ब्याटलाई सम्पर्क गराइरहेका थिए। र, अन्तिम राउण्ड घोषणा हुनेबित्तिकै राहुलले अलिकति हल्का खेल्न थाले।
‘पेडलिङ’ र ‘र्याम्पिङ’पछि उनले ‘फ्ल्याट ब्याट’ले आफ्नो अभ्यास समाप्त गरे। नेटबाट बाहिर निस्केर उनले आफ्नो ब्याटमा हल्का मुक्का प्रहार गर्दै खुशी र सन्तुष्टि व्यक्त गरे।
इन्डियन प्रिमियर लिग (आईपीएल) २०२२ मा राहुलले १३५.३८ को स्ट्राइक रेटमा १४ इनिङ्समा ६३५ रन बनाएका थिए। जोस बटलरलाई पछि पार्दै उनी सबैभन्दा धेरै रन प्रहार गर्ने सूचीमा दोस्रो स्थानमा रहे।
तर, पावरप्लेमा उनको स्ट्राइक रेट कहिल्यै १०० भन्दा माथि गएन र डेथ ओभरमा सोही स्ट्राइक रेट १९८.३६ पुग्यो। राहुलको स्ट्राइक रेटमा प्रश्नचिन्ह खडा भएको थियो। शुक्रबार राहुलले टोलीको नयाँ रणनीति र आफ्नो ब्याटिङको बारेमा कुरा गरे।
‘मैले दुई–तीन महिनादेखि टी–२० खेलेको छैन र यो मेरो लागि राम्रो चुनौती हो। नयाँ सोचबाट टोलीलाई फाइदा भएको छ। कप्तानले एउटा विचारधारालाई समर्थन गरेका छन् र खेलाडीहरूले उनको दृष्टिकोणलाई पूर्ण रूपमा स्वीकार गरेका छन्। एउटा ठूलो कदम चालिएको छ। अब हामी यसलाई विश्व कप नआउन्जेल अझ दृढताका साथ पालन गर्न सक्षम हुनेछौं,’ राहुलले भने।
आगामी दुई साता राहुलका लागि राम्रो परीक्षा हुनेछ। उनी आफ्नो प्रतिभा अनुसार सीमित ओभरको आक्रमक ब्याट्सम्यान बन्न सक्छन्। उनी टोलीका कप्तान होइनन् र उनीसँग मध्यक्रमका केही उत्कृष्ट ब्याट्सम्यान छन्। राहुलले योभन्दा राम्रो मौका पाउन सक्दैन।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
