काठमाडौं– भारतको हरियाणास्थित सबैभन्दा पिछडिएको जिल्लामध्ये एक हो नूह। नूहमा न क्रिकेट एकेडेमी छ न त राम्रो क्रिकेट मैदान नै। त्यहाँ जन्मिएर भारतीय क्रिकेट टोलीमा कोही पुग्ला भनेर कसैले विश्वास नै गर्न सक्दैनन्।
तर,अलराउन्डर शाहबाज अहमद त्यो अपवाद हुन्। नूहस्थित शिक्रावा गाउँका शाहबाज जिम्बाब्वे भ्रमणका लागि भारतीय क्रिकेट टोलीमा समेटिएका छन्। हरियाणाका धेरै खेलाडीले भारतीय टोलीबाट क्रिकेट खेलेका छन्।
तर, शाहबाज मेवात क्षेत्रबाट भारतीय टोलीमा पर्ने पहिलो खेलाडी हुन्। शाहबाजको क्रिकेटर बन्ने कथा रोचक र संघर्षपूर्ण छ। सानै उमेरमा रेडियोमा जसदेव सिंह र सुशील दोशीको ‘कमेन्ट्री’ सुनेपछि शाहबाज क्रिकेटर बन्ने दृढ संकल्पमा थिए।
७३ वर्षीय हजुरबुवा इशाक मोहम्मद कमेन्ट्री सुनेर क्रिकेटर बन्ने सपना देखेका शाहबाज भारतीय टोलीमा स्थान बनाउँदा दंग छन्। ‘नाती भारतीय क्रिकेट टोलीमा छनोट भयो भनेर सुन्दा मलाई विश्वास नै लागेको छैन,’ उनी भन्छन्।
अनुभवी अलराउन्डर वासिङ्टन सुन्दर घाइते भएपछि शाहबाजले भारतीय टोलीमा स्थान बनाएका हुन्। बिहीबार भएको पहिलो खेलमा उनले अन्तर्राष्ट्रिय क्रिकेटमा डेब्यू गर्ने मौका पाउन सकेनन्। शुक्रबार पनि उनलाई कुनै मौका दिइएन। तर, सिरिजका एक खेल अझै बाँकी छ, जसमा उनले खेल्ने अवसर पाउन सक्छन्।
शाहबाजका बुबा जान अहमदलाई नूहको सब डिभिजनल मजिस्ट्रेट अदालतमा लेखापढी गर्थे। त्यसपछि पानीपत जिल्लाको हातिनमा उनको सरूवा भयो। शाहबाजलाई चार वर्षको उमेरदेखि नै क्रिकेट खेल्ने जोश थियो। बुवाले पनि उनलाई साथ दिए। शाहबाजलाई उनले नै घरमा अभ्यास गराउँदै गए। शाहबाज ठूलो हुँदै गएपछि उनले क्रिकेटको लागि एकेडेमी पठाउन थाले।
जागिरका कारण बुबा उनीसँगै एकेडेमीसँग आउजाउ गर्न सक्दैनन् थिए। त्यतिबेला परिवारको आर्थिक अवस्था पनि त्यति राम्रो थिएन। १५ वर्षको उमेरमा शाहबाज १३ किलोमिटर एकेडेमीसम्म बसमा एक्लै आउजाउ गर्थे। शाहबाजमा बाल्यकालदेखि नै प्रतिभावान थिए। तर, उनले हरियाणाको टोलीबाट खेल्ने मौका भने पाएनन्। त्यसपछि उनी कोलकाता हाँनिए।
त्यहीँ मेमोरियल क्लबबाट खेल्न थाले। क्लबका प्रशिक्षक सौरसिश लाहिरीले भारतका पूर्वकप्तान तथा बोर्ड अफ कन्ट्रोल फर क्रिकेट इन इन्डिया (बीसीसीआई) का अध्यक्ष सौरभ गांगुली (जब उनी बंगाल क्रिकेट संघका अध्यक्ष थिए)सँग शाहबाजको बारेमा कुरा गरे। गांगुलीले शाहबाजलाई खेलिरहेको देखे, उनीबाट निकै प्रभावित भए। त्यसपछि उनलाई गांगुलीले बंगालको यू–२३ टोलीबाट खेलाउने निर्णय गरे।
शाहबाजले यस वर्षको रणजी ट्रफीको सेमिफाइनलमा मध्य प्रदेशविरूद्ध बंगालका लागि खेलेका थिए। सेमिफाइनलमा बंगालको टोली पराजित भए पनि शाहबाजको प्रदर्शन उत्कृष्ट रह्यो। उनले पहिलो इनिङ्समा ३ र दोस्रो इनिङ्समा ५ विकेट लिए। यससँगै ब्याटिङमा पहिलो इनिङ्समा ११६ रन बनाए भने दोस्रो इनिङ्समा नटआउट २२ रन जोडे।
शाहबाज इन्डियन प्रिमियर लिग (आईपीएल) २०२० मा विराट कोहलीको कप्तानीमा रहेको रोयल च्यालेन्जर्स बैंगलोर टोलीमा पुगेका थिए। शाहबाजले आईपीएलमा २९ खेल खेलिसकेका छन्। जसमा उनले २७९ रन र १३ विकेट लिएका छन्। यससँगै उनले बंगालका लागि १८ प्रथम श्रेणी खेलमा ४१.६४ को औसतमा १ हजार ४१ रन बनाएका छन् भने ५७ विकेट लिएका छन्।
‘नूह जिल्ला पिछडिएको होला। तर, यहाँका जनतामा प्रतिभाको कमी छैन। उनीहरूलाई राम्रो अवसर चाहिन्छ,’ पूर्वक्रिकेटर नसीम अहमद नगीना भन्छन्। उनका अनुसार सन् १९९४ मा पूर्वभारतीय कप्तान मोहम्मद अजहरूद्दीन नगिना (मेवात) पुगेका थिए। त्यहाँ खेलाडीहरू खेलिरहेको देखेर उनले भनेका थिए, ‘तिमीहरू एकेडेमी गएर क्रिकेट सिक। तिमीहरूसँग राम्रो भविष्य छ।’ अजहरूद्दीनले दिएको आशाको फलस्वरूप आज शाहबाज भारतीय टोलीमा पर्न सफल भएको नसिम बताउँछन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1736044475.png)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
