काठमाडौं– पाकिस्तान क्रिकेट बोर्ड (पीसीबी)ले शनिबारदेखि महिला क्रिकेटको यू-१९ स्तरको टी–२० प्रतियोगिता आयोजना गरेको छ। घरेलु महिला क्रिकेटमा यो तेस्रो र टी–२० ढाँचामा दोस्रो प्रतियोगिता हुनेछ।
१० दिने प्रतियोगितामा मध्य पञ्जाव, बलुचिस्तान, खैबर पख्तुनख्वा, उत्तरी, सिन्ध र दक्षिणी पञ्जाव गरी ६ टोलीको सहभागिता रहनेछ। राष्ट्रिय स्तरमा युवा प्रतियोगिताको यो तेस्रो संस्करण हुनेछ। सन् २००४ देखि २००८ सम्म यू–१७ प्रतियोगिता आयोजना भएको थियो। सन् २००९ देखि २०१३ सम्म सोही प्रतियोगिता यू–१९ स्तरमा खेलिएको थियो।
पीसीबीका अनुसार अर्को वर्ष दक्षिण अफ्रिकामा आयोजना हुने पहिलो आईसीसी यू–१९ महिला विश्वकपको लागि एक बलियो टोली निर्माण गर्ने लक्ष्यका साथ यो प्रतियोगिता आयोजना गर्न लागिएको हो।
उक्त विश्वकपमा टी–२० ढाँचामा खेलाइनेछ। उक्त विश्वकपमा उत्कृष्ट प्रदर्शन गर्ने खेलाडीले सिधै पाकिस्तानको सिनियर स्तरमा टी-२० र एकदिवसीय प्रतियोगिता खेल्ने मौका पाउन सक्छ।
हालसम्म पाकिस्तानमा राष्ट्रिय टोलीबाट खेल्ने बाटो स्पष्ट छैन। तल्लो तहदेखि माथिल्लो तहसम्म प्रतिस्पर्धाको अभाव छ। जम्मा ३०–३५ खेलाडी मात्र छनोट भएका छन्। महिला क्रिकेटमा लगानीमा जम्मा दुईवटा प्रतियोगिता सञ्चालन हुँदै आएको छ।
अहिले राष्ट्रिय स्तरको टी–२० र एकदिवसीय च्यालेन्ज कपमा मात्रै आयोजना हुने गरेको छ। यस यू–१९ प्रतियोगिताका लागि देशभर ट्रायलहरू भएका थिए। त्यसको आधारमा पीसीबीका विभिन्न स्थानीय महिला क्रिकेट एकेडेमीबाट खेलिरहेका खेलाडीहरूसँग अभ्यास खेलहरू खेलाएको थियो।
पीसीबीले प्रतियोगितामा सहभागी सबै खेलाडी १ सेप्टेम्बर २००३ या पछि जन्मेको पुष्टि गरेको छ। प्रतियोगितामा कुल ८४ खेलाडी सहभागी हुनेछन् र सबै खेल अगस्ट १३ देखि २२ सम्म मरिड्केस्थित लाहोर कन्ट्री क्लबमा खेलाइनेछन्। राउन्ड रोबिन ढाँचाका खेलका लागि १५ रिजर्भ खेलाडीको नाम पनि घोषणा गरिएको छ, जो आवश्यक परेमा टोलीमा हुनेछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
