काठमाडौं– पाकिस्तान क्रिकेट बोर्ड (पीसीबी)ले गत हप्ता एसिया कप टी–२० प्रतियोगिताका लागि टोली घोषणा गरेको थियो। यो टोलीमा तीव्र गतिका बलर शाहिन अफ्रिदीलाई पनि राखिएको थियो। तर, उनी प्रतियोगिताअघि नै घाइते भएकाले खेल्नेमा शंका कायमै छ।
शाहिन यस महिनाको सुरुमा श्रीलंकाविरुद्धको खेलमा घुँडाको चोट बोक्न पुगेका थिए। उनी अझै मैदान उत्रिन फिट देखिएका छैनन्। यससँगै एसिया कप अगस्ट २७ बाट सुरु हुँदैछ। पाकिस्तानी टोलीले अगस्ट २८ मा दुबईमा भारतविरुद्ध खेल्दै प्रतियोगिताको सुरुआत गर्नेछ।
तर, शाहिन पाकिस्तानी टोलीसँग नेदरल्यान्ड्स भ्रमणमा जाँदैछन्। हालै पाकिस्तानी कप्तान बाबर आजमले टोलीका चिकित्सक र फिजियोले शाहिनको हेरचाह गरिरहेको जानकारी दिएका थिए। उनले शाहिन खेल्ने या नखेल्ने भन्ने अन्तिम निर्णय टोली व्यवस्थापनले गर्ने बताए।
पाकिस्तानका पूर्वकप्तान सलमान बटले एसिया कपमा शाहिनको अनुपस्थितिले पाकिस्तानका लागि समस्या खडा गर्ने बताएका छन्।
बटले भने,‘शाहिन भएको भए पाकिस्तानको बलिङ आक्रमण शानदार र प्रभावकारी हुने थियो। तर, उनको अनुपस्थितिमा युवा तीव्र गतिका बलरका लागि यो ठूलो अवसर हो। नसीम शाह र शाहनवाज दहनीले पनि जिम्मेवारी लिन सक्छन् भन्ने प्रमाणित गर्ने मौका पाउनेछन्। हामीले जहिले पनि शाहिनको काँधबाट बोझ उतार्ने कुरा गर्यौं, तर त्यसो भएन।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751533150.jpg)
-1749826086.png)
