काठमाडौं– सन् २०२२ को इन्डियन प्रिमियर लिग (आईपीएल) चेन्नई सुपर किंग्सका लागि सम्झनलायक रहेन। आईपीएलको इतिहासमा यो टोली दोस्रो पटक प्लेअफमा पुग्न सकेको थिएन। टोली २०२२ को आईपीएलमा नवौं स्थानमा रह्यो।
चेन्नईको टोलीले १४ खेलमध्ये ४ खेल मात्रै जितेको थियो। आईपीएलको बीचमा चेन्नईको टिम व्यवस्थापनमा पनि समस्या देखिएको थियो। भारतीय अलराउन्डर रविन्द्र जडेजालाई आईपीएलको सुरूमै टोलीको कप्तान बनाइएको थियो।
तर, सुरूका केही खेलमा हार बेहोरेपछि व्यवस्थापनले निर्णय परिवर्तन गर्यो र महेन्द्रसिंह धोनीलाई पुन: कप्तानी सुम्पियो। यति मात्र होइन, जडेजाले चेन्नईको अन्तिम ४ खेल पनि खेलेनन्। त्यसपछि चेन्नईमा उनको भविष्यलाई लिएर प्रश्न उठ्न थालेको थियो।
आईपीएलपछि अन्तर्राष्ट्रिय प्रतियोगिता सुरू भएको थियो। पछिल्ला केही महिनामा सामाजिक सञ्जालमा जडेजाको गतिविधिले पुन: एकपटक उनी र चेन्नईबीच विवाद रहेको अड्कल लगाउन थालिएको छ।
उनले आफ्नो आधिकारिक इन्स्टाग्राम प्रोफाइलबाट चेन्नईसँग सम्बन्धित तस्बिरहरू मेटाएका छन्। ती तस्बिर २०२१ र २०२२ मा पोस्ट गरिएका थिए।
अब जडेजाको अर्को अभिनयले समर्थकहरूलाई सोच्न बाध्य बनाएको छ। उनले अहिले आफ्नो ट्वीटर प्रोफाइलबाट चेन्नईसँग सम्बन्धित ट्वीट डिलिट गरेका छन्। यसले जडेजाको चेन्नईमा यात्रा सकिएको र उनी अर्को वर्ष यो टोलीसँग आईपीएल नखेल्ने अनुमान गरिएको छ।
चेन्नईले ४ फेब्रुअरी २०२२ मा आफ्नो आधिकारिक ट्वीटर एकाउन्टमा जडेजासँग सम्बन्धित एक पोस्ट गरेको थियो। यसमा लेखिएको थियो– सुपर जड्डुको सीएसकेमा १० वर्ष। त्यसपछि जडेजाले यो पोस्ट रिपोस्ट गर्दै लेखेका थिए– यो टोलीसँग अझै १० वर्ष खेल्न बाँकी छ। तर, बुधबार यो ट्वीट डिलिट गरिएको थियो।
जडेजाले यस वर्ष मे ४ मा चेन्नईका लागि अन्तिम खेल खेलेका थिए। आईपीएलपछि जडेजाले इङ्गल्यान्डविरुद्धको पुन: निर्धारित पाँचौं टेस्टमा भाग लिए। जसमा जडेजाले शतक प्रहार गरे। त्यसयता जडेजा लगातार भारतीइ टोलीको हिस्सा बनेका छन्।
३३ वर्षीय जडेजा हाल वेस्ट इन्डिजमा भारतीय टोलीसँग छन्। भारतीय टोलीले अहिले वेस्ट इन्डिजसँग ५ खेलको टी–२० सिरिज खेलिरहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751533150.jpg)
-1749826086.png)
