काठमाडौं– श्रीलंका क्रिकेट (एसएलसी) ले भानिन्दु हसरंगालाई ‘द हन्ड्रेड’ खेल्न एनओसी दिन अस्वीकार गरेको छ। जसका कारण हसरंगा म्यानचेस्टर ओरिजिनल्ससँगको करिब ९६ लाख रुपैयाँको सम्झौताबाट बाहिरिन बाध्य भएका छन्।
एसएलसीका प्रमुख कार्यकारी एश्ले डे सिल्भाका अनुसार बोर्डले हसरंगाको अनुरोधलाई अस्वीकार गरेको छ। अगस्ट २७ देखि सुरु हुने एसिया कप र यस वर्षको अन्त्यमा अष्ट्रेलियामा हुने टी–२० विश्वकपको लागि शारीरिक र मानसिक रूपमा तयार राख्नका लागि हसरंगालाई एनओसी नदिएको उनले तर्क गरे।
‘द हन्ड्रेड’ र लंका प्रिमियर लिग (एलपीएल) एकै समयमा आयोजना हुने तय थियो। त्यसैले हसरंगा यस वर्ष ‘द हन्ड्रेड’को हिस्सा नहुन सक्ने आशा गरिएको थियो। तर, एलपीएल पछि सारिएको थियो। यस घटना पछिपनि ओरिजिनल्सले २०२३ सिजनको लागि हसरंगालाई आफ्नो टोलीमा समावेश गर्ने मौका पाएका छ। यद्यपि, यसका लागि हसरंगा र ओरिजिनल्सबीच निश्चित सम्झौता चाहिन्छ।
मध्यक्रमका ब्याट्सम्यान ट्रिस्टान स्टब्सलाई ओरिजिनल्सले हसरंगाको सट्टामा अनुबन्ध गरेको छ। शुक्रबार आयरल्याण्ड र दक्षिण अफ्रिका बीचको दोस्रो टी–२० खेलपछि उनी ओरिजिनल्समा सामेल हुनेछन्। स्टब्सले हालै इङ्ग्ल्याण्डविरुद्ध २८ बलमा ७२ रन बनाएका थिए।
ओरिजिनल्सले शुक्रबार राति एमिरेट्स ओल्ड ट्राफोर्डमा उत्तरी सुपरचार्जर्सविरुद्ध २०२२ सिजनको आफ्नो पहिलो खेल खेल्नेछ। आन्द्रे रसेल, एस्टन टर्नर र सन एबटलाई विदेशी खेलाडीको रुपमा यस टोलीबाट खेल्ने छन्। स्टब्स उपलब्ध हुँदा टर्नर प्लेइङ ११ बाट बाहिर हुने अपेक्षा गरिएको छ। रसेल सेप्टेम्बर १ मा सुरु हुने क्यारेबियन प्रिमियर लिग (सीपीएल)को लागि प्रस्थान गर्दा टोलीमा फर्किनेछ।
पाकिस्तानको नेदरल्याण्ड भ्रमण र एसिया कपका लागि छनोट भएपछि नसिम शाहले प्रतियोगिताबाट बाहिरिएको वेल्श फायरले बिहीबार पुष्टि गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
