काठमाडौं– अन्तर्राष्ट्रिय क्रिकेट परिषद् (आईसीसी)ले पुरुषतर्फ जुलाई महिनाको उत्कृष्ट खेलाडीका लागि मनोनयन सार्वजनिक गरेको छ।
आईसीसीले बुधबार सार्वजनिक गरेको मनोनयनमा इङ्लिस ब्याटर जोनी बेयरिस्टो, श्रीलंकन स्पिनर प्रवथ जयसुरिया र फ्रेन्च युवा स्टार गस्टभ म्याकियोन परेका छन्।
जुन २०२२ को आईसीसी पुरूष प्लेयर अफ द मन्थको विजेता बेयरस्टोले जुलाई महिनाको सुरुआत पनि त्यही लयलाई निरन्तरता दिए। उनले दुई आक्रामक इनिङ्स खेल्दै इङ्ग्ल्यान्डलाई भारतविरुद्धको पुन: निर्धारित पाँचौं टेस्ट जिताउन महत्त्वपूर्ण भूमिका खेलेका थिए।
उनले पहिलोपटक १०६ रन बनाएर आफ्नो टोलीलाई समस्याबाट जोगाउन मद्दत गरे। दोस्रो इनिङ्समा बेयरस्टो ११४ रनमा अविजित थिए। जो रुटसँग मिलेर अविश्वसनीय स्ट्यान्डिङ गर्दै इङ्ग्ल्यान्डले ३७८ रनको लक्ष्य पछ्याएको थियो।
दक्षिण अफ्रिकाविरुद्धको सीमित ओभरको सिरिजमा पनि बेयरस्टो लयमा देखिए। उनले पहिलो एकदिवसीयमा खेलमा ६३ रन बनाएका थिए। उनले पहिलो टी–२० आईमा ५३ बलमा ९० रन बनाए। उनले बाँकी दुई खेलमा ३० र २७ को स्कोर बनाए।
यता, श्रीलंकाका बायाँ हाते स्पिनरजयसूर्याको डेब्यू टेस्ट म्याच सबैभन्दा यादगार थियो। उनको उत्कृष्ठ बलिसँगै श्रीलंकाले गालेमा अस्ट्रेलियाविरुद्ध ३९ रनले पराजित गरेको थियो। पाकिस्तानविरुद्धको सिरिजमा पनि उनको लय कायम रह्यो।
पाकिस्तानविरुद्ध जयसूर्याले तीन टेस्ट खेलमा चौथो पाँच विकेट लिएका थिए। फ्रान्सेली स्टार म्याकियोनले टी– २० विश्वकप २०२४ युरोप क्वालिफायरमा डेब्यू गरेपछि अन्तर्राष्ट्रिय क्रिकेटमा सनसनीपूर्ण खेल पस्किए। चेक गणतन्त्रविरुद्धको आफ्नो डेब्यु खेलमा यी १८ वर्षिय खेलाडीले ५४ बलमा मात्र ७६ रन बनाएका थिए।
उनले क्रमशः स्विट्जरल्यान्ड(१०९) र नर्वे (१०१) विरुद्ध लगातार शतक प्रहार गरे। टी-२० आई ढाँचामा ब्याक-टु-ब्याक शतक बनाउने उनी पहिलो खेलाडी हुन्। आईसीसीको वेबसाइटमार्फत् हुने भोटिङको आधारमा विजेताको टुङ्गो लाग्ने छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751533150.jpg)
-1749826086.png)
